Në një deklaratë për publikun, Shyqëri Obërtinca, drejtori i një prej kolegjeve më të suksesshme në vend Universum, theksoi rëndësinë e rolit të mësimdhënësve në formësimin e të ardhmes së fëmijëve dhe të shoqërisë, njofton Prinderimi.com
Ai kërkon që planifikimi arsimor të bazohet në nevojat dhe interesat kombëtare të cilat janë të rrënjosura në zakonet kulturore dhe traditat e çmuara e që përputhen edhe me standardet e civilizimit bashkëkohor. Obërtinca poashtu, u shpreh kundër planprogrameve të huaja në shkollat shqipe duke dhënë mesazhin e qartë: ”Të ç’rrënjoset kjo kurrikulë ashtu siç janë ç’rrënjosur planprogramet serbe.”
Shkrimi i tij i plotë:
”Edukim special se jo mahi! Marr nga pamfleti “Edukimi seksual dhe shëndeti riprodhues”
”…Kuizi me pyetje për vetëkontrollin e trupit. Nxënësit ndahen në grupe nga 5-6 nxënës, gjysma e grupeve marrin etiketa me organet gjenitale mashkullore, gjysma marrin etiketa me emrat e organeve gjenitale femërore…Jepni detyrat 1. Bëni një vizatim në një fletë të madhe letre, ku mund t’i përdorni të gjitha etiketat me emrat e organeve gjenitale. Lejoni 10 minuta. Ata që duhet të vizatojnë organet gjenitale femërore, mund tu duhen që t’i vizatojnë dy fotografi: organet e jashtme dhe ato të brendshme – sepse është e vështirë t’i terheqesh ato në një pamje tabllo…E rëndësishme është gjithashtu, që mësimdhënësit të jenë në gjendje që t’i ndajnë shprehjet negative (të ndyra), dhe format e shprehjeve seksuale prejnxënësve (nxitën mësimdhënësit që fëmijëve tua ndajnë pervojatë e tyre seksuale, duke përdorur edhe terme të ndyra dhe forma të shprehjeve banale) etj, etj, etj…”
”P.S. Të nderuar pushtetar ne mësimdhënësit, prindërit dhe nxënësit edhe në kushte e rrethana të vështira kemi dijtë t’ju themi jo planprogrameve të huaja në shkollat tona. siç i kemi ç’rrenjosur njëhere e përgjithëmonë planet dhe programet serbe në arsimin shqip. Ne kërkojmë nga ju që plan-programet të shpiejnë drejt përparimit të shkollës sonë , ashtu siç e don nevoja dhe interesi kombëtarë të bazuara në zakonët tona, me plan-programe unike të bazuara në rrjedhat e civilizimit bashkëkohor.”
”Mësimdhënësit tanë kanë vizione të qarta dhe koncepte të drejta për jetën dhe shoqërinë. E kanë në nivel të duhur ndjenjen e përgjegjësisë ndaj punës dhe obligimeve, e njofin mirë fushën e vet profesionale, zbatojnë me përpikërin më të madhe plan-programin mësimor, janë të përgatitur për mësimdhënie, zotrojnë forma, metda dhe teknika të llojllojshme efektive të mësimdhënies si dhe janë nxitës e frymëzues të dashurisë për dije, përparim e tolerancë dhe e vetmja propagandë që e bejënë është ajo për dije, për kombin dhe atdheun.” – u shpreh për fund Obërtinca.
© Prinderimi.com | Të gjitha të drejtat e rezervuara.
