Në përgjigje të debateve të fundit që kanë përfshirë opinionin publik, Ministria e Arsimit, Shkencës, Teknologjisë dhe Inovacionit (MASHTI) dha deklaratë për opinionin e gjerë në lidhje me çështjen e edukimit seksual në shkollat e Kosovës, debat ky i shumëpërfolur së fundi, njofton Prinderimi.com
Prindërimi & Rrjeti i Prindërve të Kosovës në përgjigje të drejtpërdrejtë ka reaguar menjëherë pasi doracakët more dhenë, dhe me të drejtë, përmbajtja e doracakëve u cilësua si sulm ndaj normave të besimit dhe vlerave kulturore të shoqërisë tonë.
Këta doracakë nxisin për sjellje të papërshtatshme, japin informacione që qojnë nxënësit e gjitha moshave drejt eksperimentimit të hershme me trupin e tyre dhe bashkëmoshatarëve të tyre, rrisin shanset për marrëdhënie seksuale jashtë martesore dhe në fazen e adoleshencës.
Zotimi për të ”rishikuar tekstet” është pjesë e mjegullimit dhe manipulimit të situatës së krijuar qysh para disa viteve, derisa objektivat realizoheshin përmes shpërndarjes së mësimeve në shumë lëndë mësimore përgjatë viteve shkollore, ndërrimit të fjalëve/terminologjisë në vende të caktuara dhe kjo. Ky zotim është tërheqje e përkohshme nga rikthimi i fuqishëm i planit për shthurjen e shoqërisë. Kjo për prindërit është e papranueshme dhe kjo metodë vështirë e hetushme nuk mund të jetë asesi në fushën e zbatimit.
Përgjegjësia për edukimin mbi seksualitetin bie mbi prindërit dhe ata përcaktojnë varësisht moshës dhe përgatitjes psiko-fizike, me mbikëqyrje të duhur duke u përhapur informacioni mbi seksualitetin dhe shëndetit riprodhues në mënyrë të përshtatshme.
Turpi kombëtar për MAShTI-n qëndron në disa fakte nga të cilat është futja e mësimit të edukatës seksuale qoftë edhe si lëndë zgjedhore, përforcimi i saj duke u shpërndarë në mësime përgjatë viteve, ideja që në momentin kur miratohet fondi i lëndëve zgjedhore ajo të bëhet e obligueshme për nxënësit.
Vulgariteti i përdorur brenda materialeve, rrënon në mënyrën më të shpejtë dinjitetin i nxënësve dhe prindërve. Ne tutje, në vijimësi qëndrojmë kundër futjes së edukimit seksual në shkolla dhe ky planprogram që shpie drejt rrënimit të moralit, intersit kombëtar dhe regresit të largohen njëherë e përgjithmonë.
Lexo më shumë:
Ceremonia e një vepre të shëmtuar: Doracakët pornografik të MASHTIT
Njoftimi zyrtar nga MAShTI:
”Të nderuar, qytetarë, prindër, mësimdhënës, media.
Në lidhje me debatin e ngritur ditëve të fundit, Ministria e Arsimit, Shkencës, Teknologjisë dhe Inovacionit njofton se nuk ka kurrikulë të veçantë për edukim seksual e as tekste shkollore ku fëmijët mësojnë për edukimin seksual siç është raportuar e përfolur këto dy ditë.
Në Kosovë ndryshimet kurrikulare kanë nisur në vitin 2001. Gjatë viteve 2008-2016 janë miratuar dhe hartuar Korniza e Kurrikulës së Kosovës, kurrikulat bërthamë dhe programet lëndore.
Në kuadër të kurrikulës së saj arsimore, në përputhje me standardet evropiane të përcaktuara nga OBSH, Kosova ka përfshirë edukimin seksual në kurrikulën e saj arsimore përmes kompetencës “Individ i shëndosh”. Edukimi seksual trajtohet si çështje ndërkurrikulare, përmes lëndëve të ndryshme mësimore, prej përspektivave të ndryshme, në kontekstin shkencor, shoqëror-kulturor dhe shëndetësor me qëllim mbrotjen e fëmijëve dhe të rinjve nga rreziqet e shumta që mund të dëmtojnë shëndetin e tyre.
Në vitin 2016, MASHTI ka themeluar grupin punues me përfaqësues si ekspertë nga IKSHPK, ekspertë të kurrikulës dhe mësimdhënës, me detyrë për hartimin e dokumenteve dhe këtyre doracakëve. E gjithë ky proces është mbështetur nga UNFPA. Grupi punues ka hartuar 4 doracakë për mësimdhënës dhe broshura informative për prindër. Këto materiale janë finalizuar dhe miratuar nga MASHTI më 10.02.2020.
MASHTI njofton prindërit, palët e interesit se këta doracakë nuk janë obligativ dhe nuk janë tekste mësimore për nxënësit.
Propaganda që po zhvillohet ditëve të fundit, shoqëruar me dezinformata dhe manipulime duke konstatuar se këta doracakë janë kurrikula arsimore e pastaj duke i paraqitur si libra shkollorë për nxënës e deri tek obligueshmëria e zbatimit të tyre, është në dëm të mirëqenies dhe sigurisë së fëmijëve.
Si Ministri e Arsimit, me përgjegjësi të plotë punojmë dhe angazhohemi për mirëqenien e fëmijëve. Tre vitet e fundit kemi rishikuar shumë tekste dhe dokumente që kanë përmbajtje dhe gjuhë të papërshtatshme dhe denigruese sikurse edhe pasaktësi shkencore.
Në linjë me këtë, ju informojmë se në vijimësi të rishikimit të teksteve shkollore, do të rishikohen edhe këta doracakë dhe materialet tjera informative për mësimdhënës.”
© Prinderimi.com | Të gjitha të drejtat e rezervuara.
