Shumë prindër sot, përfshirë edhe ne vetë, shpesh dëshirojnë të kishin njohur artin dhe shkencën e prindërimit të mirë para se të kishin fëmijë. Sikur të kishim vepruar kështu, me siguri do të kishte pasur përmirësime të ndjeshme në rritjen dhe edukimin e fëmijëve tanë. Shumë prindër e ndiejnë se mund të kishin kaluar më shumë kohë duke kultivuar marrëdhëniet familjare. Kur reflektojmë mbi jetën tonë personale, bëhet dhimbshëm e qartë se kemi humbur shumë momente të vlefshme dhe përvoja të çmuara që mund të ndaheshin së bashku.
Shpresojmë që fëmijët tanë do të na falin për gabimet që kemi bërë, dhe që prindërit e rinj do të shmangin të njëjtat gabime. Ne gjithashtu lutemi që Zoti i Plotfuqishëm t’i mbrojë prindërit nga mësimi i leksioneve në mënyrën e vështirë, përmes përvojave të hidhura.
Prindërimi i duhur kërkon aftësi dhe përgatitje, që fëmijët të jenë të suksesshëm dhe t’i bëjnë prindërit e tyre krenarë. Fatmirësisht, sot ka shumë më tepër informacion dhe teknika të disponueshme për prindërimin sesa kurrë më parë. Megjithëse nuk ka rrugë të shkurtër për të qenë prind i mirë, ashtu siç nuk ka për asgjë me vlerë në jetë, kurrë nuk është tepër vonë për të filluar dhe për t’u përmirësuar. Ju jeni prind tani dhe përgjithmonë, pavarësisht nëse fëmijët tuaj janë 4 apo 40 vjeç.
Rritja e një fëmije për t’u bërë një i rritur i lumtur dhe i matur është shpresa e çdo prindi.
Autor: H. Altalib, O. Altalib dhe A. Ebusulejman, 2022
Udhëzues për rritjen e fëmijëve: Marrëdhëniet prind-fëmijë
