A doni që fëmijët tuaj të jenë të mençur kur janë në pyetje paratë?
Atëherë filloni tani!
Harroni pjesën e bukur. Thjesht mbillni farat e shprehive të mira. Është njësoj sikur të ndërtoni një shtëpi. Çelësi është baza e fortë. Më pas ata do të mësohen të bëjnë zgjedhje më të mira.
Dhe, të jemi të sinqertë. Ne jetojmë online. Reklamat janë kudo. Këto aftësi janë të domosdoshme.
Më kujtohet kur vajza ime e vogël donte çdo lodër që shikonte në dyqan. Ishte një betejë e vërtetë! Por ne e mësuam atë për fitimin dhe kursimin e parave. Dhe e dini çfarë? Ajo i kuptoi ato gjëra.
Pyetja vjen: pse duhet t’i mësojmë fëmijët rreth menaxhimit të parave?
Jeta nuk ka të bëjë vetëm me paqen dhe qetësinë (edhe pse këto janë bonus). Jeta ka të bëjë po ashtu me: ·
- Pavarësinë
- Të kuptuarit e punës madhore
- Përgatitjen për botën reale
Kjo ka të bëjë me më shumë sesa me balancimin e librave, ndonëse edhe kjo gjë po fillon të bëhet një gjë e së kaluarës. Jeta ka të bëjë me pritjen e asaj që e dëshiron. Me marrjen e vendimeve të mençura. Dhe me të qenurit i përgjegjshëm.
Këto aftësi shkojnë përtej parasë.
A nuk do të doje që fëmijët të mësojnë më parë prej teje- sesa prej ndonjë mësuesi interneti (guru-je)?
Strategjitë e përshtatshme për moshën
Përshtateni qasjen tuaj. Ajo që funksionon për një fëmijë pesëvjeçar, nuk do të bëjë punë për një adoleshent. Më besoni në këtë që po ju them!
Ja një udhëzues i thjeshtë:
Parashkollorët (mosha 3–5 vjeç): Loja e shkëmbimit
Fokusohuni në baza.
Para = gjëra.
Përdorni monedhat dhe faturat.
Luani lojën e dyqanit.
Lërini ata t’i “blejnë” lodrat.
Përfshini kursimin. Një bankë e vogël në formë arushi të vogël është e përsosur. Në të, fëmijët mund t’i shohin kursimet duke u rritur. Vajza ime e vogël e pëlqen vendosjen e monedhave në bankën e saj të vogël. Është pothuajse magjike!
Fëmijët në shkollë fillore (mosha 6–11): Fuqia e fitimit
Tani përfshijeni fitimin.
Detyrat funksionojnë për mrekulli.
Lidheni punën me shpërblime.
Jepuni atyre një shumë të vogël dhe jini konsistentë në këtë shprehi!
Ndajeni atë në kavanoza:
- Një për kursime
- Një për shpenzime
- Dhe një për dhënie
Flisni rreth nevojave & dëshirave, dhe si ta bëjnë dallimin mes tyre.
Një video lojë e re?- Dëshirë.
Këpucë të reja që të bien tamam?- Nevojë.
Adoleshentët (mosha 12+): Buxheti i të rriturve
Adoleshentët janë gati për më shumë: për buxhetim, investim dhe borxhe.
Ndihmojini ata të krijojnë një buxhet. Menaxhoni të ardhurat e tyre apo paratë e punës.
Flisni për kursimin për ëndrra të mëdha. Si p.sh. për kolegj? Për veturë?
Prezantojeni edhe investimin. Hapni një llogari të vogël. Lërini ata të zgjedhin disa aksione. Theksoni rreziqet!
Këshilla praktike
Hapni një llogari kursimi: Shkoni në bankë me ta. Bëjeni kursimin real.
Krijoni një buxhet vizual: Përdorni një tabelë të bardhë. Ndiqni të ardhurat dhe shpenzimet.
Luani lojëra me para: Monopoli mëson menaxhimin e parave. Bëjeni argëtuese!
Vendosni qëllime financiare: Ndihmojini ata të vendosin një qëllim. Doni të kurseni për një lodër? Atëherë mësojini atyre planifikimin.
Udhëhiqni me shembull: Fëmijët ju shikojnë. Jini të zgjuar me shpenzimet tuaja. Flisni për zgjedhjet tuaja. Mos u ankoni për paratë ndërsa blini gjëra që nuk ju nevojiten. Ata do ta vënë re!
Përkthim: Laureta Rexha
