Kush jemi ne?
Prinderimi.com është platforma kryesore e dedikuar për prindërimin dhe edukimin gjithëpërfshirës. Ne trajtojmë mbi 100 kategori të ndryshme (duke filluar nga zhvillimi i fëmijëve, edukimi, psikologjia, shëndeti, deri te teknologjia dhe sfidat e përditshme). Për të zgjeruar ndikimin tonë dhe për të forcuar komunitetin, jemi në kërkim të një vajze/gruaje dinamike, e cila është e aftë për të menaxhuar disa procese (multi-tasking) dhe e cila ka pasion për fushën e edukimit dhe medias.
🎯 Çfarë kërkojmë nga ti?
Në këtë rol dinamik, ti do të jesh zëri dhe motori organizativ i platformës sonë. Detyrat e tua kryesore do të jenë:
-
Krijimi i përmbajtjes së verifikuar: Hulumtimi dhe shkrimi i artikujve cilësorë. Çdo informacion duhet të jetë i bazuar në fakte dhe evidenca shkencore/mjekësore/pedagogjike/psikologjike.
- Njohja e gjuhës angleze.
- Aftësi për të krijuar dhe edituar dokumente elektronike në formate të ndryshme.
- Krijimi i përmbajtjes në WordPress.
- Përdorimi i Google Drive, Slides, Sheets, Docs, Meets, etj. Përdorimi i Trellos dhe veglave të tjera për punë Remote, komunikim dhe bashkëpunim në distancë.
-
Dizajn dhe Kreativitet: Krijimi i materialeve vizuale atraktive duke përdorur platformën Canva (Kërkohet përvojë, ose gatishmëri e plotë për të kryer trajnime). Krijimi i dizajneve grafike dhe përpunimi i lehtë i videove.
-
Përdorimi i Inteligjencës Artificiale (IA): Zotërimi i mjeteve të IA-së (AI) për të optimizuar kohën dhe për të gjeneruar ide e përmbajtje inovative.
-
Menaxhimi i Kalendarëve: Ndjekja me përpikmëri e kalendarit të ngjarjeve të rëndësishme për prindërit e fëmijët, kalendarit sezonal, festave dhe atij shkollor e mësimor (MASHTI, etj.). Rrjedhimisht krijimi i përmbajtjeve, deklaratave, eventeve konform kalendarit.
-
Menaxhimi i Komunitetit (menaxhimi i rrjeteve sociale): Udhëheqja, moderimi dhe rritja e grupeve tona në rrjetet sociale, duke u kthyer në një urë lidhëse me ndjekësit.
-
Komunikimi Institucional dhe PR: Përgatitja e deklaratave publike dhe komunikimi zyrtar me shkollat, institucionet edukative dhe Këshillat e Prindërve.
-
Organizimi i Eventeve: Planifikimi dhe organizimi i takimeve, rrathëve të prindërve dhe eventeve me profesionistë (psikologë, mjekë, pedagogë etj), prindër dhe komunitetin arsimor.
-
Gjetja e Sponsorëve: Komunikimi bindës dhe dërgimi i propozimeve te bizneset/kompanitë për të siguruar sponsorizime dhe bashkëpunime për organizatën.
💡 Profili ideal i kandidates:
-
E shkathët, organizative dhe me aftësi të shkëlqyera në komunikim me shkrim dhe me gojë.
-
E vëmendshme ndaj detajeve dhe e përkushtuar për të dhënë informacion të saktë (Fakt-checking).
-
Aftësi për të menaxhuar disa projekte njëkohësisht.
-
Përvojë paraprake në media, OJQ, marketing, ose menaxhim komuniteti (përbën avantazh).
- Të qenit prind i fëmijëve që janë në sistemin arsimor, përvoja me sistemin arsimor dhe prindërimin përbëjnë avantazh shtesë gjithsesi.
📍 Vendi i angazhimit:
– Remote,
– Aktivitetet fizike, takimet me palë, eventet në zyrë (Prishtinë, M. Muhaxherëve).
🌱 Mundësi Praktike (Internship):
A ke pasion dhe dëshirë të mësosh, por nuk i zotëron ende 100% të gjitha aftësitë e listuara më lart (p.sh. Canva, IA, apo PR)?
Nuk ka problem! Ne vlerësojmë gatishmërinë tënde. Ne ofrojmë mundësinë e angazhimit si Praktikante për një periudhë deri në 3 muaj, me qëllim mentorimin dhe trajnimin tënd deri në zotërimin e plotë të këtyre aftësive për t’u bërë pjesë afatgjatë e stafit tonë.
Si të aplikoni?
Klikoni në linkun këtu: https://forms.gle/cDQeYknwZS5cnbEM7
Për informata shtesë shkruani në [email protected] ose në telefon +383 44 253 153
⏳ Afati i fundit për aplikim: 28 Maj 2026
