Dhuna në familje mbetet një prej plagëve më të thella të shoqërisë kosovare, duke reflektuar një krizë të vazhdueshme të respektimit të të drejtave themelore të njeriut. Çdo ditë, në stacionet policore raportohen raste të reja të grave që përballen me dhunë, shpesh të ushtruar nga partnerët e tyre jetësorë ose nga anëtarët e tjerë të familjes.
Një rast i fundit nga Prishtina ngre sërish alarmin mbi këtë fenomen të rëndë. Një grua ka kërkuar ndërhyrjen e Policisë, pasi denoncoi bashkëshortin e saj për dhunë të përsëritur.
Sipas burimeve të Prindërimit, viktima ka deklaruar se burri e ka sulmuar atë fizikisht dhe e ka dëbuar nga banesa së bashku me djalin e tyre që vuan nga autizmi, duke i lënë ata në një gjendje të mjerueshme.
E detyruar nga rrethanat e rënda, gruaja ka kërkuar ndihmë emergjente nga autoritetet kosovare, duke raportuar menjëherë incidentin në Polici.
Lexo poashtu: https://prinderimi.com/tregohuni-te-guximshem-jo-dhune-ndaj-femijeve/
Si pasojë e denoncimit, i dyshuari është arrestuar dhe është shoqëruar në stacionin policor për t’u marrë në pyetje. Me urdhër të Prokurorit të Shtetit, ai është vendosur në paraburgim, nën akuzën për veprën penale të ‘Dhuna në familje’.
Prinderimi.com
