Një anketim i kryer nga një sajt që u dedikohet vetëm prindërve ka treguar se 90% e prindërve të anketuar kanë thënë se fëmijët e kanë preferuar njërin fëmijë më shumë se tjetrin.
Nëse jeni ballafaquar me të njëjtën situatë, mos e merrni si diçka personale dhe mos dyshoni në aftësitë tuaja si prind.
Ndonëse kjo mund t’jua lëndojë pak ndjenjat, zgjedhja e njërit prind para tjetrit është normale në periudha të caktuara të jetës për fëmijët.
Pra, lajmi i mirë është se favorizimi i fëmijëve është normal, i përkohshëm dhe nuk ka të bëjë asgjë me atë se a jeni prind i mirë apo jo.
Përse ndodh kjo?
Fëmijët dhe tinejxherët mund të shfaqin favorizim në periudha të caktuara të jetës për arsye të ndryshme.
Kur është fjala për bebet, zgjedhja e njërit prind mbi tjetrin është gjë e shëndetshme dhe e domosdoshme për fazën e zhvillimit që lidhet me procesin e përkushtimit.
Qëllimi i kësaj faze është të gjendet personi që e furnizon fëmijën me kujdes të plotë dhe mbështetje.
Kur fëmija të kalojë nëpër procesin e zhvillimit emocional apo pubertetit, ata mund të shfaqin favorizim herë për njërin prind, e herë për tjetrin.
Këshilla e vetme për ju është që të mos insistoni të bëheni prindi favorit i fëmijës, sepse kjo vetëm sa mund ta largojë fëmijën më shumë.
Mbani mend se kjo gjë është normale duke u rritur fëmija dhe do të përfundojë shpejt.
*Klikoni KËTU për t´u bërë pjesë e kanalit zyrtar të Rrjetit të Prindërve të Kosovës në Viber.
