Spitali i Përgjithshëm në Pejë do të shënojë javën e glaukomës nga 10 deri më 14 mars, duke ofruar mundësinë për matjen falas të tensionit të syrit.
Ky kontroll është një hap i rëndësishëm për zbulimin e hershëm të glaukomës, një sëmundje që mund të shkaktojë humbje të përhershme të shikimit nëse nuk trajtohet në kohë.
Njoftimi i plotë:
Javë e veçantë për kujdesin ndaj syve! 
Spitali i Përgjithshëm në Pejë shënon Javën e Glaukomës nga 10 deri më 14 mars 2025!
Të gjithë qytetarët janë të ftuar të vizitojnë Repartin e Oftalmologjisë për të kryer matjen e tensionit të syrit – një hap i rëndësishëm për zbulimin e hershëm të glaukomës.
Glaukoma është një sëmundje e syrit që dëmton nervin optik dhe mund të çojë në humbje të përhershme të shikimit nëse nuk trajtohet. Ajo ndodh kur presioni brenda syrit (presioni intraokular) rritet dhe shkakton dëmtim të nervit optik.
Shërbimi është falas Nuk kërkohet caktim i terminit Kujdesu për shëndetin e syve tuaj!
Vendndodhja: Reparti i Oftalmologjisë, Spitali i Përgjithshëm Pejë!
Data: 10 – 14 mars nga ora 8-13Shfrytëzojeni këtë mundësi për të ruajtur shikimin tuaj
