Kryeministri i Kosovës, Albin Kurti dhe e përzgjedhura e tij për Ministrinë e Arsimit – Arbërie Nagavci, reaguan duke gënjyer për t’u shfajësuar lidhur me diskutimet e ashpra të ditëve të fundit kundër doracakëve të ndytë e denigrues të MAShTI-t, njofton Prinderimi.com
Kreu i qeverisë si gjithnjë akuzoi qeveritë e kaluara dhe përmendi me bindje se ”këta doracakë nuk kanë qenë në zbatim”. Ai deklaroi dje se: ”Doracakët në fjalë, asnjëherë nuk kanë qenë kurrikulë, as tekste shkollore, as lëndë obligative, as tekst obligativ apo tekst për nxënës”, ndërsa doli tërësisht e kundërta.
Edhe reagimi paraprak nga MASHTI, udhëhequr nga Arbërie Nagavci doli të ishte plotësisht i pavërtetë. Ajo tha se: ”..nuk ka kurrikulë të veçantë për edukim seksual e as tekste shkollore ku fëmijët mësojnë për edukimin seksual.”
Prindërimi.com ka siguruar fakte të tjera për të dematuar gënjeshtrat e Kryeministrit Kurti dhe ministres së Arsimit, Arbëri Nagavci:
MASHTI, me datën 16 Maj 2023, për Drejtoritë Komunale të Arsimit dhe Institucionet Edukativo-Arsimore, me urdhërin e Arbëri Nagavcit, kishte ofruar lëndët me zgjedhje, sipas tyre ”të përputhura me kërkesat dhe aspiratat e sistemit tonë arsimor”.
Siç shihet edhe në dokumentin zyrtar të publikuar nga MASHTI me datën 17 Maj 2023, propozimet për lëndët zgjedhore janë përgatitur vet nga MASHTI, duke u bazuar në Kornizën e Kurrikulës dhe në Kurrikulën Bërthamë.
Brenda lëndëve të propozuara nga MASHTI, është edhe lënda ”Edukatë seksuale”, që sipas MASHTI-t u zgjodh me kujdes, duke u përputhur me interesin e veçantë kombëtar dhe aspiratat e sistemit tonë arsimor.
Prinderimi.com siguroi dokumentin zyrtar të shpërndarë nga MASHTI:
Në realitet: Çdo pretendim i Kurtit dhe Nagavcit, doli të jetë i pavërtetë. Këta doracakë kanë qenë në fushën e zbatimit dhe kanë dhënë informacione degjeneruese për disa vite me radhë, me qëllim të shkatërrimit të familjeve tona.Burimi zyrtar i MASHTI-t:
© Prinderimi.com | Të gjitha të drejtat e rezervuara.
