Çfarë duhet bërë që sjellja e zemërimit të mos kthehet në zakon?
Në mënyrë që zemërimi të mos kthehet në zakon, fëmija nuk duhet të mësojë se zemërimi është i dobishëm. Për këtë arsye, prindërit nuk duhet t’ia plotësojnë dëshirat fëmijës së zemëruar gjatë zemërimit, në mënyrë që ai të mos e bëjë këtë zakon. Edhe nëse ka kërkesa të arsyeshme, prindërit du- het t’ia plotësojnë dëshirat vetëm nëse fëmija pushon së zemëruari dhe komunikon natyrshëm.
Nuk është e drejtë të përpiqeni ta bindni fëmijën e zemëruar dhe të këmbëngulni për t’i dhënë fund veprimit të zemërimit. Më së miri do të ishte ta lini fëmijën vetëm për pak kohë dhe më pas të komunikoni sërish me të.
Për shembull, fëmija thotë “nuk do të ha”, zemërohet dhe largohet nga tavolina. Pas kësaj, prindërit nuk duhet ta prishin rendin e tyre, por duhet të vazhdojnë të hanë sikur të mos kishte ndodhur asgjë. Prindërit duhet t’i japin fëmijës mesazhin “Nuk jemi prekur nga sjellja jote zemërake” duke i thënë “Mund të vish kur të të ketë kaluar zemërimi”. Ata nuk duhet në asnjë mënyrë të mbajnë një qëndrim agresiv dhe të krijojnë një terren për presion dhe detyrim.
Autor: Dr. Adem Gynesh, ”Çfarë bëjnë fëmijët dhe pse? (2)
Prinderimi.com
