Si mund të tregojmë respekt për natyrën e ndjenjave të fëmijës?
- Fillimisht, duke mos u tallur me ndjenjat e tij.
- Duke mos i ndaluar disa ndjenja të tij.
- Duke mos i përçmuar disa ndjenja të tij.
Në fakt, këto gjëra që nuk duhen bërë, ndodhin shpesh. Fëmija mund të qajë kur thyen makinën lodër, apo të mërzitet, kur ndahet nga shokët, kur transferohet në një qytet tjetër. Ne mund të na duken për të qeshur këto ndjenja të tij. Po ju vallë nuk mërziteni kur përplasni makinën, apo kur largoheni për një kohë të gjatë nga miqtë tuaj?
Ne mund të qeshim kur shohim se fëmija qan se është rrëzuar. Për një moment mendoni një të rritur në të njëjtën pozitë, megjithëse ju vriteni se jeni rrëzuar, shokët apo miqtë tuaj qeshin me atë që ka ndodhur. Çfarë ndieni? Do të mërziteshit? Megjithëse përpiqeni të mos e shprehni mërzinë, ajo ju lexohet në sy. Kjo situatë mund t’u duket edhe më shumë për të qeshur miqve tuaj.
Siç e shikoni, të tjerët nuk tregojnë respekt ndaj atyre që ndieni ju. E njëjta gjë vlen edhe për fëmijën që përjeton të njëjtën eksperiencë.
Përgatiti: Perparim Blakaj, Prinderimi.com
Autor: Saim Koç & Nil Gün, ”Vetëvlerësimi”
