Vetëbesimi dhe motivimi që kemi nevojë përditë, qoftë si nxënës, si mësimdhënës apo si prindër
Keni për të bërë një prezantim? Apo keni një takim që e keni pritur prej javësh? Informacioni i mëposhtëm mund të jetë shumë i vlefshëm.
Vetëbesimi, një fryt i diturisë dhe qëndrimit, është i lindur, por ai mund edhe të fitohet.
Ja disa gjëra që duhet të bëni për t’u dukur si një djalë zotëri apo vajzë e zonjë edhe kur ndjeni të kundërtën.
1- Relaksoni fytyrën
Kur dikush vjen me shumë nerva, është i tensionuar në fytyrë. “Vetullat e rrudhura, dhëmbët e shtrënguar dhe koka e ulur mund të jenë shenja që mungon vetëbesimi”. Herën tjetër që do të jeni ankthioz, por nuk doni ta shfaqni atë, kushtojini vëmendje fytyrës tuaj: merrni frymë thellë dhe përpiquni të relaksoni shprehjen e fytyrës. Një frymëmarrje e lehtë është një sinjal që personi ka nevojë të qetësojë nervat dhe gjithashtu një transmetim i ankthit.
2- Qëndroni drejt
Kjo është e dukshme. “Tipikisht, individët që kanë mungesë vetëbesimi do të rrinë shtrembër, me supet të përkulur përpara. Në mënyrë të pavetëdijshme ne rrimë shtrembër që të dukemi më të vegjël dhe më të padukshëm”. Për t’i bindur të tjerët që jeni rehat me veten, qëndroni drejt dhe sigurohuni që duart tuaja të jenë poshtë. Arsyeja se pse duart duhet të jenë poshtë është për të dhënë një shenjë bindjeje. “Është një e dhënë se qëndrimi i mirë u komunikon të tjerëve vetëbesim dhe është gjëja e parë që tregon për një person, dhe ju e dini që një person i tillë mund t’ju bëjë të ndiheni mirë. Kur uleni dhe qëndroni drejt, do të kalojë më shumë oksigjen në tru, gjë që do t’ju bëjë të ndiheni të shëndetshëm, energjikë dhe do të shpëtoni nga toksinat”. Kështu që është 2 herë fitore.
3- Buzëqeshni
Kurrë mos e nënvlerësoni fuqinë e buzëqeshjes. Buzëqeshja komunikon vetëbesim dhe ju bën më tërheqës. “Duke parë dikë që buzëqesh shkakton një reaksion kimik që redukton stresin dhe rrit sasinë e transmetuesve “të të ndjerurit mirë” në tru,” shpjegon ajo. “Është ngjitëse dhe të tjerët mund t’ju kthejnë buzëqeshjen, pra ju përfitoni nga disa efekte pozitive”.
4- Shenjat e padukshme
Në fund të ditës, shenjat e padukshme do të jenë po aq të forta sa ato të dukshmet. Parfumi është një nga faktorët kryesorë të tërheqjes dhe vlerësimit pozitiv, dhe mund t’ju bëj gjithashtu të ndiheni me më shumë vetëbesim.
