Sjellja shoqërore është një tregues shumë i vërtetë i personalitetit të një personi. Në të vërtetë, pjesa më e madhe e karakterit tonë nuk shfaqet, përveç se në ndërveprimet tona me të tjerët. Meqenëse sa herë që njerëzit ndërveprojnë me njëri-tjetrin, gjasat janë që të ndodhin shumë fërkime dhe konflikte, është e obligueshme për prindërit të zhvillojnë në karakterin e fëmijëve nocione që do t’u ndihmojnë t’i kuptojnë të tjerët, të kenë mëshirë për ta dhe të kooperojnë me ta. Shumë tregime shërbejnë për të zhvilluar sjellje të tilla, mirëpo do të përmend vetëm një prej tyre. Një bisedë intere- sante midis dy mjeteve shkollore, lapsir’ dhe ‘gomës, të cilët qëndrojnë pranë njëri-tjetrit në çantën e lapsave:
Goma: Tungjatjeta, shok!
Lapsi: Nuk jam shoku yt!
Goma: (E befasuar), pse thua se nuk jem shoku im?
Lapsi: Sepse të urrej!
Goma: (E pikëlluar): Pse më urren?
Lapsi: Sepse, ti e fshin atë që e shkruaj.
Goma: Unë i fshij vetëm gabimet.
Lapsi: Pse merresh me gabimet e mia?
Goma: Unë jam një gomë dhe kjo është puna që e zotëroj.
Lapsi: Kjo nuk është punë!
Goma: Puna ime është e dobishme për ty.
Lapsi: Gabim e ke dhe po e mashtron veten.
Goma: (E habitur) Pse e thua atë?
Lapsi: Sepse ai që shkruan është më i mirë sesa ai që fshin shkrimin.
Goma: Largimi i gabimit është po aq i rëndësishëm sa thënia e të vërtetës.
Lapsi: Tani po e shoh se ki të drejtë.
Goma: (E gëzuar): A më urren përsëri?
Lapsi: Pse të urrej atë që m’i largon gabimet e mia?!
Goma: Unë nuk do të fshij atë që nuk është gabim.
Lapsi: Mirëpo, po e vërej se çdo ditë po zvogëlohesh?
Goma: Arsyeja është se unë e sakrifikoj trupin çdoherë për të fshirë një gabim.
Lapsi: (Me një tonë të pikëllueshëm) Edhe unë ndjej se tani jam më i shkurtër sesa kam qenë në të kaluarën!
Goma: (Duke qenë ngushëlluese) kurrë nuk do të mundemi ti ndihmojmë të tjerët pa sakrifikuar për hir të tyre.
Lapsi (I gëzuar): Sa i mrekullueshëm je, shoku im dhe sa mirë i thua gjërat.
Goma u kënaq, ashtu dhe lapsi. Tani ata janë shokë të ngushtë dhe kalojnë mirë me njëri-tjetrin.
Morali i tregimit
Është me rëndësi që njeriu të njoh rolin që të tjerët e luajnë në jetë dhe të pranoj kontributet e tyre pozitive.
– Debati mund të shpie në rezultate pozitive, madje midis atyre që kanë qëndrime të kundërta. Sakrifica e bërë me vullnet dhe vullnetarisht, është esenciale për një jetë të mirë shoqërore dhe gjithashtu për vetëkënaqësi të individit.
Kur nëna ose babai u tregon fëmijëve të tyre një tregim sikur tregimi i mësipërm, le ta tregojnë atë me një stil të gjallë dhe dramatikë.
Derisa tregojnë tregimin le ta bëjnë interesant me shprehjet e fytyrës së tyre, me lëvizje të duarve dhe me gjeste të trupit. Le ta ndryshojnë tonin e zërit për të imituar ndonjërin nga personazhet e tregimit, aq sa kanë mundësi.
Është më mirë të lihen fëmijët të nxjerrin rëndësinë dhe moralin e tregimit. Nëse kjo është tepër e vështirë për ta, ne mund t’i nxjerrim mësimet për ta me fjalët që ata i kuptojnë.
Përgatiti: Prinderimi.com
Autor: Dr. Abdulkerim Bekkar, ”Fëmija lexon”
