Zemërbutësi është të dish se çdo moment është një moment i ri. Të dish se nuk duhet gjykuar askush me të shkuarën, e të dish se në çdo moment të jetës mund të bësh zgjedhje të reja. Dikush që ishte i keq deri dje, sot mund të bëhet i mirë.
Zemërbutësia është një veçori që do ta fitojmë duke zhvilluar tolerancën. Në jetë ne mund të përballemi me shumë situata që nuk i pranojmë, apo që kemi dëshirë t’i gjykojmë. Të gjitha këto mund të jenë të vërteta, por kjo nuk është një arsye që ne t’i përçmojmë të tjerët. Madje nuk është as një arsye për t’i toleruar me një qëndrim “pozitiv”.
Në këto raste duhet të pranojmë se edhe sikur t’i tolerojmë apo t’i përçmojmë, ne largohemi nga zemërbutësia. Mund të mos e shikoni tolerancën si një problem te ju. Më vjen keq ta pohoj, por toleranca nuk tregon zemërbutësi, por është një dëshmi e arrogancës.
Pse është kështu? Si të rritur, ne i tolerojmë disa sjellje të fëmijëve tanë, apo jo? Sepse ne jemi të rritur, ata janë të vegjël. Sepse ne i japim njeriut që tolerojmë mesazhin; “Ti ke vepruar gabim, por unë po të fal, sepse jam një njeri i pjekur (i rritur).” Në çdo sjellje a fjalë që kujtojmë veçoritë tona pozitive, zgjon të personi përballë nesh pa mjaftueshmërinë. Ku qëndron modestia, nëse ne u kujtojmë të tjerëve, qoftë edhe në mënyrë të kamufluar se jemi “superiorë” ndaj tyre? Qëndrimi me zemërbutësi që në pamje të parë shumë njerëz e gjykojnë, nuk do të thotë ta tolerosh, por ta kuptosh; të kuptosh, pse e bëre kështu, pse u solle kështu, pse the kështu? Mund të mos i japim të drejtë, mund të mos i miratojmë veprimet e tyre, por mund t’i bëjmë të ndiejnë se po i kuptojmë.
Të gjithë e kemi potencialin për të bërë gjithçka. Kush mund të garantojë se një ditë nuk do ta gjejmë veten përpara së njëjtës situatë për të cilën po gjykojmë apo po tolerojmë të tjerët me pozitivitet? Me shumë mundësi në të shkuarën na kanë ndodhur neve vetë gjërat për të cilat sot tolerojmë apo gjykojmë të tjerët. Kur kujtojmë disa prej tyre, ende na ndodh që të skuqemi nga turpi. Kushedi se si e kemi ndëshkuar veten për to.
Shkurtimisht, toleranca është produkt i arrogancës, mirëkuptimi është produkt i zemërbutësisë.
Përgatiti: Prinderimi.com
Autor: Saim Koç & Nil Gün, ”Vetëvlerësimi”
