Një ylli të vërtetë, me moralin e tij të lartë dhe cilësitë e tij të vyera, nuk i shkon për shtat që të cilëso- het si frikacak. Prandaj, cilësitë e trimërisë dhe të vetëpërmbajtjes duhet të nguliten tek ai, për ta plotësuar kështu shkëlqimin e tij dhe për ta përsosur atë me cilësinë e mëshirës dhe butësisë me njerëzit, kafshët dhe sendet.
Ne duhet t’i mësojmë fëmijës që në vegjëli, dashu rinë për kafshët dhe bamirësinë ndaj tyre, si dhe ta ndalojmë atë nga të bërit keq dhe nga goditja e tyre. Po ashtu, duhet t’ia mësojmë atij edhe dashurinë për naty rën që e rrethon, për lulet, bimët, pemët, tokën, lumenj të dhe detet, duke e bërë atë një mbrojtës të natyrës, që kontribuon në zbukurimin e saj dhe në dobitë që vijnë prej saj.
Ne duhet t’i japim mundësinë fëmijës, që të mbjellë dhe të kujdeset vetë për disa lloje bimësh dhe pemësh, ose të kujdeset për macet apo për peshqit e akuariumit, si dhe të shikojë filma dhe dokumentarë që flasin rreth kafshëve.
Po ashtu, nuk duhet të tregohemi të trembur para syve të tij, kur të shikojmë plagë, gjak dhe fasho, në mënyrë që të mos e trondisim atë dhe të mbjellim tek ai frikën nga gjaku. Gjithashtu, në rast se ai rrëzohet, nuk duhet që të godasim murin ose tokën, që ai të pushojë së qari. Ai duhet ta dijë, se as muri dhe as toka nuk kanë asnjë faj për atë që i ndodhi atij dhe se është pikërisht ai, që duhet t’i mbajë rezultatet e gabimeve të veta.
Fëmija në natyrën e tij nuk e njeh frikën, por ai e përfton ose e mëson atë nga ambjenti që e rrethon, dhe sidomos nga të mëdhenjtë. Kur ai shikon se të mëdhe- njtë kanë frikë nga errësira, atëherë edhe ai fillon që të ketë frikë nga ajo dhe kështu edhe nga gjërat e tjera. Ajo që vlen të theksohet në këtë çështje është, se këto cilësi përftohen duke marrë shembull sidomos nga prindërit.
Përgatiti: Prinderimi.com
Autor: Abdulhamid Bilali, ”Si ta bësh fëmijën tënd yll”
