Tradicionalisht, lidhja midis vlerave dhe mirëqenies sonë ka qenë e një intersi të madh dhe, njëkohësisht, të painformuar mjaftushëm. Në po këtë rrjedhë, një studim i fundit sugjeron se të jetuarit në përputhje me vlerat tona mund të jetë kyç për një jetë më të lumtur.
Ky studim, i kryer në një interval kohor prej nëntë ditësh, u përpoq t’i përgjigjej një pyetjeje kryesor: A çon të jetuarit sipas vlerave tona në një mirëqenie më të lartë, apo mirëqenia e hap rrugën për përmbushjen e vlerave? Duke u mbështetur në psikologjinë klinike, të personalitetit dhe atë sociale, studiuesit u thelluan në dinamikën e ndërlikuar midis përmbushjes së vlerës dhe aspekteve pozitive dhe negative të mirëqenies.
Rezultatet, të mbledhura nga 1434 vëzhgime nga 184 pjesëmarrës, treguan disa të dhëna interesante. Individët që nderuan me sukses vlerat e tyre të vetë-drejtimit raportuan nivele më të larta të mirëqenies pozitive ditën tjetër. Në mënyrë të ngjashme, ata që përqafuan vlerat e tyre hedoniste përjetuan nivele më të ulëta të mirëqenies negative. Nga ana tjetër, individët që raportuan një mirëqenie pozitive të ngritur kishin më shumë gjasa të përmbushnin vlerat e tyre të arritjeve, stimulimit dhe vetëdrejtimit në ditën pasuese. Anasjelltas, ata që raportuan mirëqenie negative e panë më sfiduese për të përmbushur vlerat e tyre të arritjeve.
Si përfundim, ky hulumtim ofron njohuri të vlefshme në lidhjen e ndërlikuar midis vlerave personale dhe mirëqenies. Gjetjet jo vetëm që e pasurojnë të kuptuarit tonë për këtë lidhje, por gjithashtu kanë një rëndësi për praktikën klinike.
Referenca e plotë: Paul H. P. Hanel, Hamdullah Tunç, Divija Bhasin, Lukas F. Litzellachner, Gregory R. Maio. Value fulfillment and well‐being: Clarifying directions over time. Journal of Personality, 2023; DOI: 10.1111/jopy.12869
