Mjekja pediatre Zerina Sheme ka ndarë në rrjetet sociale informacion në lidhje me imunitetin, i cili lidhet me qëndrueshmërinë e trupit tonë ndaj mikrobeve, toksinave.
Pediatrja shpjegon se imuniteti është dy lloje: i lindur ose i fituar, si një përgjigje imune ndaj një sërë dukurish.
“Shpesh herë bisedojmë për fëmijë që janë delikatë, sëmuren shpesh, ose kanë imunitet të dobët. Më lejoni t’a përshkruaj thjeshtë çfarë është imuniteti…. Është qëndrueshmëria e trupit tonë ndaj sulmit të mikrobeve, toksinave dhe lëndëve të huaja që e sulmojnë atë.
Imuniteti është:
a – i lindur
b – i fituar
Imuniteti i fituar është specifik për çdo lloj infeksioni që kalojmë në mënyrë natyrale. Ky lidhet me dukurinë e “gëlltitjes” së mikrobit (virusit) e cila kryhet nëpërmjet rruazave të bardha. Përgjigja imune përmbledh një sërë dukurish të ndërlikuara, që lidhen me kujtesën imunologjike. Kjo shprehet me matjen e antikorpeve në gjak. Përgjigja imunitare shfaqet nga dita e 15 e infeksionit. Arrin nivelin më të lartë pas tre javësh me shfaqjen e antikorpeve në gjak.
Këshilla:
Stili i ushqyerjes dhe trashëgimia gjenetike ndikojnë pozitivisht në imunitet. Një ushqyerje e shëndetshme me bazë proteina ( qumësht, mish, vezë, peshk, fruta të freskëta etj) dhe vitaminash është baza për të ruajtur një imunitet të mirë të trupit të njeriut. Ndër faktorët stimulues të imunitetit përmendim VAKSINAT”, shkruan mjekja. /M.K-dritare.net
