Goditjet në kokë janë të zakonshme te fëmijët e vegjël, por në shumicën e rasteve ato janë të padëmshme. Megjithatë, ndonjëherë një goditje në kokë mund të jetë e rrezikshme dhe një ekzaminim mjekësor është i nevojshëm. Të njëjtën gjë paralajmëron edhe infermierja dhe nëna e tre fëmijëve Niki Jurkuts, e cila ka postuar në profilin e saj në Instagram shenjat që tregojnë se një fëmijë ka nevojë për ndihmë urgjente pasi mund të këtë goditur kokën, shkruan Panacea.mk.
Siç shpjegon në video, një nga shenjat që një fëmijë duhet të dërgohet menjëherë te mjeku pas goditjes është nëse ai ka rënë nga një lartësi sa dyfishi i gjatësisë së tij. Një fëmijë që humb vetëdijen pas një dëmtimi në kokë kërkon gjithashtu kujdes të menjëhershëm mjekësor, si dhe nëse ndjen të përziera të rënda ose të vjella më shumë se një herë pas goditjes.
“Nuk duhet t’i injorojmë kurrë këto shenja sepse ato tregojnë një dëmtim mesatar deri në të rëndë të kokës, që mund të nënkuptojë se truri i fëmijës ka pësuar një lloj dëmtimi nga goditja,” paralajmëron Jurkuts.
