Ambienti i dhomës së gjumit luan një rol të rëndësishëm në arritjen e një gjumi të mirë natën. Ka shumë faktorë për t’u marrë parasysh, duke përfshirë temperaturën, dritën dhe rehatinë. Këtu janë disa këshilla për t’ju ndihmuar të siguroheni që dhoma e gjumit e fëmijës suaj të mbështesë fëmijën për një natë të qetë:
- Dekoroni me ngjyra neutrale. Ngjyrat e ndritshme mund të jenë tepër stimuluese.
- Nëse dhoma është shumë e nxehtë ose shumë e ftohtë, mund të jetë shqetësim për gjumin. Rreth 18 gradë Celsius është ideale; mund t’ju ndihmojë në këtë proces investimi në një termometër dhome.
- Bëjeni dhomën e gjumit një zonë pa pajisje elektronike. Nëse është e mundur, mbani televizorët, pajisjet e lojërave, tabletat dhe telefonat jashtë dhomës së gjumit. Përdorimi i tyre para gjumit mund të frenojnë prodhimin e melatoninës, hormonit të gjumit, dhe ta bëjë më të vështirë që fëmijën ta zërë gjumi.
- Zhurma e bardhë (white noises) mund të maskojë zhurmën e sfondit dhe mund të jetë e dobishme.
- Për fëmijët më të vegjël, largoni lodrat ose mbulojini ato me çarçafë gjatë natës në mënyrë që të mos shërbejnë si shpërqendrim. Për fëmijët më të mëdhenj, përpiquni t’i dekurajoni ata të bëjnë detyra shkollore në shtratin e tyre dhe të paketojnë librat e shkollës para gjumit.
- Një mjedis i errët mund të ndihmojë në prodhimin e melatoninës, duke na bërë të ndihemi të përgjumur në fillim të natës. Perdet e errëta (blackout blinds) gjithashtu mund të ndihmojnë në muajt e verës për të shmangur zgjimin e hershëm.
- Disa të rinj (dhe të rritur!) preferojnë pak dritë në dhomë gjatë natës. Nëse një dhomë e errët është shqetësuese ose çorientuese, provoni të përdorni një dritë nate me shkëlqim të butë që mund të lihet e sigurtë gjatë gjithë natës. Ata fëmijë me dëmtime vizuale ose të dëgjimit, për shembull, mund të kenë vështirësi në errësirë totale.
- Kushtet e qëndrueshme gjatë gjithë natës janë të rëndësishme. Shmangni përdorimin e produkteve që fiken gjatë natës ose fikjen e dritave të korridorit kur shkoni në shtrat.
- Rehatia është e rëndësishme, të gjithë kemi nevoja të ndryshme kur bëhet fjalë për atë që preferojmë dhe çfarë i përshtatet trupave tanë. Fortësia e dyshekut dhe jastëkëve, tekstura e shtresave të shtratit dhe rrobave të natës janë të gjitha konsiderata të rëndësishme kur planifikojmë ambientetet tona të gjumit, veçanërisht për ata të rinj me nevoja sensorike.
- Asnjëherë mos e përdorni dhomën e gjumit si sanksion për të vendosur fëmijën në gjumë të hershëm; e as gjumin si sanksion (masë disiplinore), gjumi duhet të promovohet pozitivisht.
Burimi: Fondacioni Britanik për Gjumin
Solli për ju: Prinderimi.com
