Rrëfimi i Jusufit
Përballë rrinte ulur një djalë zemërmadh, vetëm shtatë vjeç. E kishte sjellë gjyshja. Po shihte ngultas rrethinën si me shqetësim. Gjyshja e kishte sjellë fëmijën me arsyetimin: mungesë vëmendjeje dhe mosinteresim në mësim. Dukej qartë se gjyshja kishte shumë gjëra për të cilat s’arrinte l’ia mbushte mendjen fëmijës.
Kështu mbetëm vetëm me Jusufin, ballë për ballë. Po ndieja se kishte diçka përtej mungesës së vëmendjes. Për të shmangur tendosjen në sytë e tij dhe për ta njohur më tej, i thashë: “A di të vizatosh? – Po, – u përgjigj. A ke qejf të bësh një pikturë të familjes? – e pyeta. Pas disa sekondash shtangie të syve të tij të kaltër në sytë e mi, shtoi: – Si?- E përsërita pyetjen: A do të bësh një pikturë të familjes? – I uli sytë, më vëzhgoi sërish dhe si me pëshpërimë më tha: – Familje nuk kam, por kam një mace. Mund ta vizatoj atë?- U shtanga, mbeta si i ngrirë, sytë m’u mbushën me lot, m’u zu fyti. O Zot, ç’qe kjo punë! Më preku thellë në shpirt. Me gjysmë fryme iu përgjigja: Po si jo, hajde ta shohim!”
Ishte si një shpend krahë thyer. “Nëna më braktisi dhe iku larg, kurse babain e kam në Amerikë; jetoj me gjyshen. Mos më pyet për ta…” Më dridhej zëri: “Në rregull, pra, nuk të pyes!”Ah, more picirruk, si e mban gjithë këtë dhembje në zemër. Hallall të qoftë!
Frika e natës është e keqe, por ama frika më e madhe është të mbeturit vetëm, të qenurit i lënë në vetmi. “A vde- sin menjëherë pleqtë? – pyeti. – S’e di. Mos ndoshta frikëso- hesh nga vdekja e dikujt? – Gjyshen dhe gjyshin i kam pleq, për këtë arsye pyeta, – u përgjigj.”
Përballej me mungesën e vëmendjes, kishte probleme në mësim. Por, a e dini se ç’ishte më e rëndësishmja?! Mbet- ja e këtij engjëlli pa dashuri dhe në vetmi, pa shpresë për të ardhmen.
Fëmijët le të mos kenë fatin e Jusufit, prindërit të mos i lënë fëmijët pa përkrahje. Ja, kjo është arsyeja pse e kam shkruar këtë libër. Kjo është jeta. E keqja mund të ndodhë, por të paktën të bëhemi melhem për plagët e fëmijëve.
Përgatiti: Prinderimi.com
Autor: Ramazan Shimshek, ”Fëmijët e tabletit” (Metoda psikologjike të kohës për fëmijët e kohës)
