Nga Lira Gjika
Zakoni i të fjeturit! Fëmija që fiton sjelljen e të fjeturit keq apo që zgjohet vazhdimisht natën kur më parë ka fjetur rregullisht, tregon se zakoni i të fjeturit natën ende nuk është konsoliduar dhe për pasojë ai e harron. Ky veprim është normal.
Nga i rrituri lipset vetëm pak durim që ta ndihmojë fëmijën të rimësojë ta verë veten në gjumë. Mos u habisni, fëmija e ve vetë veten në gjumë. Duket sikur kundërshtojmë thënien rutinë të nënave, baballarëve, gjyshërve apo dadove “po shkoj të vë fëmijën në gjumë”, “vura fëmijën në gjumë”; këtu nuk ka asnjë kundërshti, edhe pse janë prindërit ata që e shoqërojnë, fëmija fle vetë.
Këtë e tregon fakti se pasi fëmijën e zë gjumi ata largohen, në të kundërt do t’iu lipsej të qëndronin aty me fëmijën./dritare.net
