Depresioni është një sëmundje e zakonshme mendore që kufizon rëndë cilësinë e jetës së të prekurve. Një studim i publikuar së fundmi zbuloi se marrja e pilulave mund të rrisë ndjeshëm rrezikun e sëmundjes.
Depresioni i shkaktuar nga pilula?
Pilula kontraceptive mund të ketë efekte të shumta anësore, si dhimbje koke, gjakderdhje, humbje të dëshirës seksuale, por edhe luhatje të humorit. Kjo e fundit me sa duket mund të përkeqsohet dhe të shkoj deri në depresion si rezultat i pilulës – siç tregoi një studim që u botua në revistën “Epidemiology and Psychiatric Sciences”në qershor 2023.
Studiuesit e përfshirë kanë analizuar të dhënat nga mbi 264.000 gra britanike. Nga këto gra, rreth 80% kishin marrë pilula kontraceptive në një moment të jetës së tyre. U zbulua se rreziku i depresionit u rrit ndjeshëm, veçanërisht në dy vitet e para të marrjes së pilulës (me 130% krahasuar me gratë që nuk kishin marrë kurrë kontraceptivë oralë). Shkencëtarët e shpjeguan këtë duke thënë se rritja e luhatjeve hormonale mund të ndodhë kur filloni të përdorni pilulën, që do të thotë se efekti i saj në psikikë është veçanërisht i theksuar.
Rreziku i depresionit nga pilula është i nënvlerësuar
Studiuesit dyshojnë se rreziku i zhvillimit të depresionit nga marrja e kontraceptivëve hormonalë mund të jetë edhe më i madh se sa tregojnë rezultatet e studimit.
Shumë studime shkencore tregojnë efektet anësore të ndryshme të kontraceptivëve hormonalë. Mësoni për alternativat, veçanërisht nëse tashmë keni simptoma që mund të lidhen me kontraceptivin në fjalë.
Përshtati nga Gjermanishtja në Shqip: Marsida Bregasi
Burimi: https://www.zentrum-der-gesundheit.de/news/medizin/allgemein-medizin/pille-depressionen
