Megjithëse të dhënat e kontekstit do t’ju aftësojnë të përcaktoni kuptimin e shumë fjalëve të panjohura, një fjalor i mirë mbetet një mjet thelbësor për suksesin akademik.
Fjalorët “standard” janë disa llojesh, fjalorë që përmbajnë një listë fjalësh të renditura sipas alfabetit, bashkë me shqiptimin dhe përkufizimin e tyre. Nje lloj fjalori është, fjalori i zgjeruar, i cili përmban një mori fjalësh të gjuhës si dhe informacion për origjinën dhe përdorimin e fjalëve. Këta fjalorë të mëdhenj përmbajnë më tepër se 400,000 fjalë. Ata janë të shtrenjë dhe jo praktikë për përdorim të përditshëm. Bibliotekat, zakonisht, kanë të paktën një fjalor të zgjeruar.
Fjalorët e përmbledhur përmbajnë afërsisht gjysmën e numrit të fjalëve të një fjalori të zgjeruar. Ky lloj fjalori u shërben studentëve të kolegjit shumë mirë për një sërë arsyesh. Ata zakonisht janë me kapak të fortë çka i bën më jetëgjatë dhe përmbajnë gjithë informacionin mbi terminologjinë e përgjithshme që do t’ju nevojitet gjatë studimeve akademike. Shumica e informacionit në këtë pjesë bazohet në elementet tipike të fjalorëve të përmbledhur. Edhe fjaloret e xhepit janë një lloj tjetër. Siç aludohet dhe nga emri, ata janë shumë të vegjël dhe prandaj nuk janë dhe aq të përdorshëm nga studentët. Ara përmbajnë nga çereku tek gjysma e numrit të fjalëve të fjalorit të përmbledhur Meqë këto libra janë më të vegjël, përkufizimet janë më të shkurtra. Fjalorët e xhepit përmbajnë gjithashtu më pak informacion për origjinën apo përdorimin e një fjale. Ata janë një referencë e volitshme për drejtshkrimin ndaj dhe studentët i mbajnë shpesh me vete fjalorët e xhepit bashkë me materialet e referencës kur përgatiten të shkruajnë letra.
Fjalorët e specializuar i kushtohen ligjërimit të një fushe të posaçme, si muzikës a teknologjisë. Fjalorë të tillë mund të bëhen të përdorshëm për ju kur keni filluar të ndiqni kurse të nivelit superior të masterit. Një fjalor i mirë është ndoshta mjeti më efektiv për t’u përdorur kur doni të:
- Përkufizoni fjalë që nuk mund të përkufizohen nga konteksti.
- Kontrolloni shqiptimin.
- Verifikoni drejtshkrimin.
- Verifikoni pjesë të ligjëratës.
- Verifikoni përdorimin e fjalës.
Autor: Jill Lewis, “Studimi akademik”
Përgatiti: Prinderimi.com
