Që në fillimet e hapave të parë të shkollimit, një 6 vjeçare u largua nga shkolla “Mihal Grameno” në Fushë Kosovë. /Telegrafi
Largimi i nxënëses nga klasa e parë për të imigruar në Gjermani ishte shumë e dhimbshme për mësuesen e saj.
“Ka qenë një moment shumë i rëndë për mua, meqenëse tash jemi shtet dhe kemi menduar që tash do ta kemi një jetë më të mirë, momentin që mu ka lajmërua vajza që do të shkojë në Gjermani, unë e kam përjetuar mjaftë vështirë gjithashtu edhe shokët edhe shoqet e saj”, tha mësuesja Ismete Shabani për TeVe1.
Shabani e cila vetë qëndroi për 7 vite në Gjermani thotë së jetesa në një vend të huaj është mjaftë sfiduese.
“Unë për një kohë kam qenë në gurbet edhe e dijë se si është jeta atje, unë e di se ndoshta është një shkollim më i mirë atje, por në momentin që jeton dhe vepron në vend ton është mjaftë e vështirë”, shtoi ajo.
E nga shkolla “Mihal Grameno” nga shtatori e deri në fund të marsit janë larguar për në vendet evropiane mbi 90 nxënës.
“Në botën e jashtme nga fillimi i shatorit e deri me sot, janë 91 nxënës që janë largu, shumica kanë shkuar në shtetin e Gjermanisë, kemi disa edhe në Finlandë edhe në Francë”, tha drejtori i shkollës “Mihal Grameno”, Ismet Thaçi.
