Bashkëpunimi institucional ndërmjet Ministrisë së Arsimit, Shkencës, Teknologjisë dhe Inovacionit të Republikës së Kosovës dhe Ministrisë së Arsimit dhe Sportit të Republikës së Shqipërisë është forcuar edhe më ndjeshëm tashmë.
Grupet e punës nga të dyja palët kanë nisur përgatitjet për Olimpiadën e Përbashkët në lëndën e Gjuhës Shqipe, e cila do të përfshijë nxënës të klasave të nënta për vitin shkollor 2024—2025 dhe për vitet pasuese.
Ky është organizimi i parë i kësaj natyre, i cili ka për qëllim nxitjen e punës me nxënësit dhe nxjerrjen në pah të talenteve të tyre në lëndën e Gjuhës Amtare.
Përgëzojmë grupet punuese të ministrive për këtë nismë të rëndësishme dhe urojmë shumë suksese në realizimin e saj.
