Ime bijë jo vetëm nuk vendos dot se çfarë duhet të bëjë, por edhe bërtet e qan. Si të veproj?

Ime bijë jo vetëm nuk vendos dot se çfarë duhet të bëjë, por edhe bërtet e qan. Si të veproj?

Ime bijë 27-muajshe le dyta pritet të lindë) papritur bëhet zevzeke dhe nuk e di se çfarë do. Thotë “Dua të shkoj tek gjyshja!” le cila banon në katin poshtë) dhe kur unë e hap derën, në mes të shkallëve thotë “Dua të shkoj tek mami!” e qan dhe as ngjitet lart e as zbret poshtë, kështu sillet në shumë raste.

Zgjohet gjatë natës e fillon të qajë. Ka një pavendosmëri të madhe dhe ne nuk dimë si të sillemi me të. Disa muaj nuk i kam kushtuar dot vëmendje për shkak të shtatzënisë dhe ndoshta kjo është arsyeja. Çfarë duhet të bëj?

Kur mbetet pa vëmendje, fëmija nuk di ç’të bëjë. Gjatë periudhës 0-2 vjeç që është periudha e atashimit, fëmija duhet t’i përmbushë nevojat me një person të vetëm. Nëse gjatë kësaj periudhe fëmija shkon njëherë tek nëna e njëherë tek gjyshja dhe kalon kohë herë me nënën e herë me të tjerë, kjo gjë shkakton një defekt në sjellje që e quajmë “sindromë të atashimit të shumëfishtë”.

Nëse fëmijë të tillë përjetojnë edhe mungesë emocionale, nuk dinë më se kujt t’i drejtohen, pasi nuk e dinë kush duhet t’i marrë me të mirë. Nëse shkon tek nëna, nëna merret me fëmijën tjetër. Nëse shkon tek gjyshja, gjyshja mërzitet shpejt. Kësisoj fëmija mund të ndihet në zbrazëti emocionale mes dy të rriturve e të bëhet zevzek për këtë shkak. Bija juaj është ende e vogël, prandaj nëse mendoni se ka një problem me atashimin, përpiquni të atashoheni sërish me të. Kushtojini vëmendje të veçantë. Po qe e nevojshme, shtrihuni pranë saj në shtrat. Përpiquni ta mbështesni emocionalisht duke kaluar kohë më cilësore me të.

Përgatiti: Prinderimi.com
Autor: Dr. Adem Güneş, “Si veprojnë fëmijët dhe pse?”