AMANETI
Kam parë familje që i kanë kushtuar çdo gjë sjelljes në jetë të një fëmije. Jam dëshmitar i afërt i dhimbjeve dhe i shpresave të tyre. I falem Zotit që më dhuroi një fëmijë!
E di që është shumë e vështirë të shpjegohet, por e ndiej vlerën e tij, një vlerë që më ka ndryshuar jetën, që i ka dhë- në kuptim asaj, që më ka nxitur të shqyrtoj çdo sjellje, çdo mendim, çdo ndjenjë. Më ka ndryshuar të kaluarën, të tash- men dhe të ardhmen.
Jam i bindur se fëmija, kur vjen në këtë botë, na dhuro- het me një shpirt të përkryer. Detyra jonë kryesore është që ta ruajmë këtë amanet si sytë e ballit dhe të shpalosim sek- retet e kodeve të tij gjenetike. Këto dhera që kanë kultivuar shumë njerëz të vyer si Junus Emre, Rumi, Arkitekt Sinani, Mehmed Fatihu dhe Ataturku, vallë, a kanë sot një sistem për kulturën, për pedagogjinë dhe psikologjinë e rritjes dhe formimit të një fëmije?
Dihet se qëllimi themelor i çdo prindi është lumturia e fëmijëve të vet. Por, për të qenë me të vërtetë i lumtur fëmi- ja, duhet pranuar siç është; nuk duhet krahasuar me të tjerët, nuk duhet futur në garë me të tjerët, nuk duhet trish- tuar apo frikësuar me ndëshkimi, por duhet dashur pa ndo- një kushtëzim. Tek ai duhet zhvilluar sensi i vetëbesimit, gjallërisë dhe ndërgjegjes, dashuria ndaj njeriut; duhet vënë në veprim ndjenja e të qenurit në paqe me veten dhe me jetën.
Nëse një fëmijë i ka të kultivuara këta elemente do të shfaqet uni i vërtetë brenda tij, do të bëhet i lumtur dhe i suksesshëm; së pari do t’i shtojë vlerë shoqërisë, e më pas gjithë njerëzimit. Krijimi i një bote ku fëmijët nuk do të vdesin nga uria, varfëria, sëmundjet dhe luftërat, ku i gjithë njerëzimi do të jetojë në lumturi, duhet të jetë qëllimi parë- sor i çdo njeriu, i çdo nëne dhe babai.
Do të isha shumë i lumtur nëse përmes këtij libri do siguroja qoftë dhe një pikë ujë për të fikur këtë zjarr, si dhe të bëhesha sebep që edhe të tjerët të bartnin nga një pikë!
Përgatiti: Prinderimi.com
Autor: Ramazan Shimshek, ”Fëmijët e tabletit” (Metoda psikologjike të kohës për fëmijët e kohës)
