Fëmija im qan kur rrëzohet dhe kur i merret diçka nga dora…
Kam një vajzë 17 muajshe. Ajo qan fuqishëm kur rrëzohet ose kur i merret diçka nga dora. Nuk arrij ta kuptoj pse e bën këtë, si duhet të veproj?
Ajo duhet ta shohë se nuk mund ta zgjidhë një problem duke qarë…
Një fëmijë 17 muajsh zakonisht merr siguri dhe lidhet shpejt me sendin që mban në dorë. Për këtë arsye, nuk do të ishte e drejtë t’u merrej asgjë nga dora fëmijëve të kësaj moshe. Nëse ka në dorë një objekt që i duhet marrë patjetër, atëherë i duhet marrë duke i folur me butësi dhe i duhet ofruar një alternativë. Nuk do të ishte e drejtë të gënjehej duke i thënë “u zhduk” për sendin e marrë nga dora e fëmijës dhe të pretendohet të hidhet jashtë, si me magji.
Në të njëjtën mënyrë, nëse fëmija qan edhe pse nuk i dhemb kur rrëzohet përtokë, shikojeni me buzëqeshje, por mos i kushtoni shumë vëmendje. Ai me siguri po pret që ju ta ngrini. Megjithatë, një fëmijë 17 muajsh mund të ngrihet edhe vetë.
Fëmija juaj duket se është i bindur se mund t’i zgjidhë problemet e tij duke qarë. Mos u dorëzoni para këtyre të qarave.
Autor: Dr. Adem Gynesh, ”Çfarë bëjnë fëmijët dhe pse? (2)”
Prinderimi.com
