E rëndësishme është të formohet shprehia e leximit
Është e qartë se nuk është lehtë të formohet shprehia e leximit te fëmija, sidomos te populli ynë, shumica e të cilëve nuk lexojnë, as nuk merakosen kush lexon e kush jo. Po ashtu në shumë raste prindërit janë të interesuar t’i shohin fëmijët me një fillim të mbarë në lexim, kështu ata u sjellin libra të shkëlqyer të fesë, të letërsisë dhe historisë, mirëpo ato nuk i tërheqin.
Kjo shpesh shpie fëmijën në injorim të këtyre librave, thjesht sepse ato janë tepër të pakup- tueshme për të ose nuk e tërheqin. Qasja e drejtë është të mos jemi shumë strikt në fillim lidhur me llojin e leximit. Le t’i blihen tregimet dhe librat që e tërheqin, natyrisht duke mos qenë libra që bien ndesh me Islamin ose moralin.
Një fëmijë mund të pëlqejë të shikojë një revistë sportive, të lexojë biografinë e një personi të famshëm, diçka për kafshë në dete etj. Le të fillojmë dhe le të vazhdojmë kështu, pak më vonë pasi të sigu- rohemi për qëndrueshmërinë e tyre, të fillojmë t’i udhëzojmë në libra më të dobishëm. Prindërit e arsimuar të shoqërisë sonë mund të kenë biblioteka modeste ose të mëdha në shtëpitë e tyre dhe shpesh udhëzojnë fëmijët të zgjedhin diçka nga librat që i kanë, mirëpo zgjedhja e gabuar që e bëjnë shpie në frustrim dhe zhgënjim të fëmijës.
Prindërit gabimisht supozojnë se atë që e kanë admiruar në kohën e tyre sigurisht se do t’i tërheq edhe fëmijët e tyre. Në të vërtetë, askush nuk ka të drejtë të caktojë çfarë të lexohet, përveç personit që do të lexojë. Ne do të duhet të intervenojmë nëse ekziston një shkak i vërtetë.
“Të mos harrojmë se ka shumë njerëz që ngurrojnë të marrin një libër në dorë, vetëm për shkak se kanë qenë të detyruar në jetën e hershme të lexonin diçka që nuk u ka pëlqyer.”
Përgatiti: Prinderimi.com
Autor: Dr. Abdulkerim Bekkar, ”Fëmija lexon”
