E DINIT QË…
• Të kesh një vetëvlerësim të mirë nuk do të thotë të të hyjë vetja në qejf, ose të besosh se je tjetërkush. Do të thotë se e njeh aq mirë veten, sa të mund t’ishfrytëzosh të gjitha burimet e tua, duke pasur gjithmonë parasysh kufijtë e tu. Do të thotë të jesh i aftë t’u bësh ballë vështirësive të jetës, duke besuar pa dyshim tek vetja, pa të gënjyer mendja dhe pa ushqyer ndjesinë se duhet të jesh më i mirë se krejt bota.
• Të kesh një vetëvlerësim të mirë do të thotë të gjesh harmoni në veten tënde dhe në raport me të tjerët.
• Të vegjlit nuk e kanë mundësinë fizike, pjekurinë intelektuale apo aftësinë e shkëputjes ndjesore që t’i arrijnë të gjitha këto. Ata janë thelbësisht nevojtarë për të qenë në qendër të vëmendjes, të rrëmbyer, kërkues, të përqendruar në kënaqësitë e tyre dhe njëkohësisht gati kryekëput të varur nga të rriturit, për t’ia plotësuar gjithë këto nevoja të vetes. U takon prindërve dhe të gjithë të rriturve që i rrethojnë, t’i ndihmojnë për të përparuar çdo ditë nga pak drejt rrugës së duhur.
Përgatiti: Prinderimi.com
Autor: Danielle Laporte, “Vetëvlerësimi i fëmijëve 0-6 vjeç”
