Deri në moshën 2 vjeçare, asnjë minutë para ekranit!

Largimi nga ekspozimi ndaj ekraneve është shumë i rëndësishëm për foshnjat deri në 2 vjeç për shkak të zhvillimit të trurit (që zhvillohen më shpejt gjatë këtyre 2 viteve), zhvillimit të gjuhës (foshnjat mësojnë të flasin e kuptojnë përmes ndërveprimeve me të rriturit), zhvillimi shoqëror dhe emocional, shëndeti i syve dhe gjumi. Këto dhe shumë arsye të tjera duhet t’i shtyejnë prindërit që të jenë kundër ekspozimit të fëmijëve para ekraneve/Prinderimi.com

Perparim Blakaj, në cilësinë e pedagogut ka reaguar ndaj një situate alarmuese të krijuar në vitet e fundit kur plot prindër i ekspozojnë foshnjat e tyre para ekraneve. Reagimin mund ta lexoni të plotë, si vijon:

”Deri në moshën 2 vjeçare, asnjë foshnje NUK GUXON TË EKSPOZOHET PARA EKRANIT!

1. Sytë i kanë shumë të ndjeshëm ndaj dritës (madje i mbyllin sytë në shumicën e kohës kur ekspozohen edhe ndaj dritës natyrale).

2. Përqëndrimi në objekte është shumë i kufizuar (p.sh: në ekrane shfaqen me mijëra objekte përnjëherësh, ka me miliona video të rezolucioneve të ndryshme e ka pamje që munden me rezultu në pasoja fatale.)

3. Ngjyrat nuk i dallojnë dot, ndërsa në ekran shfaqen të gjitha ngjyrat, përveç saj, shfaqen plot kombinime që për sytë e tyre janë jotërheqëse – p.sh kur e kombinon ngjyrën e kuqe ngjyrë me gjelbër të ndezur kjo shkakton irritim e lodhje, ose kur përdorim kontraste të fuqishme tjera.

4. Në 2 vitet e para foshnjat preferojnë (vetëm) fytyrat e njohura të familjes, p.sh nëna, babai, vëllau, motra, gjyshja, gjyshi etj. (Ndërsa në ekran shfaqen me mijëra njerëz që për të janë fytyra të huaja – dhe po, në të vërtetë edhe janë të tilla).

Pas moshës 2 vjeçare, lejohet?
Unë them se më e mira është që fëmijët të mos ekspozohen para ekraneve deri në moshën 9 vjeçare. Ndërsa pas moshës 9 vjeçare deri në 18 vjeç, të ekspozohen vetëm në punët rreth mësimeve, 1-2 orë në ditë.”

Burimi: https://www.facebook.com/perparimblakaj96/posts/pfbid0cDRFmEWA42HNGuTEiuL5WtcycFCWope813xGXtCvybAmZYZfhNbamM6egzykN5hal?notif_id=1723534642233210&notif_t=feedback_reaction_generic&ref=notif

Prinderimi.com