Sipas librit shumë të dobishëm, “Psychological Processes of Child- bearing” (“Shtatzënia në aspektin psikologjik”), të publikuar për herë të parë rreth tridhjetë vjet më parë, por që ka mbetur po aq aktual sa atëherë edhe në ditët e sotme, ekzistojnë dy kategori prindërish: prindërit sistematikë dhe prindërit lehtësues. Në këtë libër, Joan Raphael-Leff përshkruan se prindërit sistematikë priren të jenë më shumë të përqendruar ndaj nevojave të të rriturit dhe të udhëhiqen nga rutina.
Ndërsa lehtësuesit janë më shumë të përqendruar te nevojat e fëmijës. Në këtë rast, nuk është fëmija që përshtatet me ta, por janë prindërit që ecin në rrjedhën e tyre. Nëse jeni një prind sistematik, ju parapëlqeni që ta udhëhiqni
fëmijën tuaj drejt rutinës. Filozofia e një prindi sistematik është që fëmijët ndihen të mbrojtur dhe të sigurt nëse e njëjta gjë ndodh në të njëjtën kohë çdo ditë sepse në këtë mënyrë fëmija do ta dijë se çfarë do të ndodhë dhe nuk do të ketë surpriza.
Edhe prindërve gjithashtu u jep siguri ideja që e dinë se çfarë do të ndodhë dhe kur do të ndodhë dhe nëse kanë një kujdestar për fëmijën, ai gjithashtu do t’i përmbahet rutinës. Njerëzit krijojnë varësi ndaj kësaj ideje nëse janë të prirur nga rregullsia e të pasurit një strukturë të caktuar dhe nga kontrolli për të paraprirë atë që do të ndodhë dhe kur do të ndodhë.
Përgatiti: Prinderimi.com
Autor: Philippa Perry, “Libri që do të dëshironit të lexonin prindërit tuaj”
