Në Kosovë, disa faktorë konsiderohen kyç për gjetjen e një vendi pune, duke reflektuar perceptime që shpesh lidhen me strukturat sociale dhe politike. Një sondazh i fundit nga, ka nxjerrë në pah disa elemente kryesore që ndikojnë në këtë proces, njofton Prinderimi.com
Rëndësia e lidhjeve personale dhe politike
Lidhjet me njerëz në pozita pushteti konsiderohen ndër faktorët më të rëndësishëm. Sipas të dhënave, 42% e të anketuarve e vlerësuan këtë faktor si “shumë të rëndësishëm”, ndërsa 30% si “kryesisht të rëndësishëm”. Po ashtu, anëtarësia në parti politike zuri vend të dytë, me 36% të të anketuarve që e cilësuan atë si “shumë të rëndësishëm” dhe 25% si “kryesisht të rëndësishëm”. Ky perceptim sugjeron një nivel të ulët të besimit në institucionet dhe proceset meritokratike, gjë që nënvizohet edhe në kapitullin e studimit mbi qëndrimet dhe pjesëmarrjen politike.
Përvoja jashtë vendit dhe ekspertiza
Përvoja jashtë vendit u vlerësua si faktor i tretë më i rëndësishëm, me 31% të të anketuarve që e konsiderojnë atë si “shumë të rëndësishëm” dhe 30% si “kryesisht të rëndësishëm”. Ndërkohë, ekspertiza u rendit si faktori më pak i rëndësishëm, pasi vetëm 27% e të anketuarve e cilësuan atë si “shumë të rëndësishëm” dhe 30% si “kryesisht të rëndësishëm”.
Ndryshimet gjinore në perceptim
Rezultatet treguan se gratë kosovare kanë një nivel më të lartë besimi në faktorët meritokratikë, si ekspertiza dhe përvoja jashtë vendit, krahasuar me burrat. Rreth 4-5% më shumë gra besojnë se këto elemente mund të ndikojnë pozitivisht në procesin e punësimit. Në anën tjetër, burrat kosovarë priren të mbështeten më shumë në faktorë si lidhjet dhe anëtarësia në parti politike.
© Prinderimi.com | Të gjitha të drejtat e rezervuara.
