Vajza ime është 2 vjeç e gjysmë. Ajo nuk dëshiron aspak të hajë. Mbetemi të detyruar ta ushqejmë me shpërblime. Ne e dimë se është e gabuar, por nuk mund të gjejmë zgjidhje tjetër. Çfarë na rekomandoni?
Të ushqyerit me shpërblim e pengon ndjenjën e shi- jes te fëmija.
Duhet të siguroheni që fëmija të jetë i entuziazmuar për vaktin e radhës duke i mundësuar të shijojë ushqimin që ha dhe jo nga motive të jashtme. Nevoja për ushqim ndodh në dy mënyra:
(1) Ndjenja e djegies: Sekretimi i acideve nga stomaku dhe ndjenja se është i uritur,
(2) Shija: Është dëshira e krijuar në qiellzën e fëmijës që të shijojë ushqimin, frutat dhe perimet.
Kur fëmijës i jepet një shpërblim, fëmija nuk mund ta shijojë plotësisht atë që ka në gojë. Duke qenë se nuk ka shije, nuk ka emocion dhe kënaqësi ndaj ushqimit të radhës. Kjo situatë ndodh edhe kur fëmija ushqehet para televizorit.
Nëse nuk vendoset rregulli i vakteve te fëmija, nëse nuk i jepet mundësia të ketë uri, nëse i jepet vazhdimisht ndonjë frutë ose pak kos, atëherë ndjenja e urisë së fëmijës do të shtypet. Për këtë arsye ju këshilloj: Jepini mundësinë sistemit të urisë së fëmijës tuaj të funksionojë.
Si shpërblimi ashtu edhe ndëshkimi parandalojnë urinë dhe shijen. Ndërsa fëmija i drejtohet motivimit të jashtëm, ai neglizhon t’u drejtohet ndjenjave të tij. Duhet t’i kushtoni vëmendje kësaj.
Burimi: Nga libri ”Çfarë bëjnë fëmijët dhe pse?”, Dr. Adem Gynesh
Prinderimi.com
