Adoleshenti është një anëtar i një familjeje dhe një anëtar i shoqërisë. Ai ose ajo është nxënës; ai/ajo mund të jetë i punësuar në një punë, e kështu me radhë. Manifestimet, rrethanat dhe pasojat e sjelljes së adoleshentëve nuk do të jenë të njëjta për të gjithë adoleshentët.
Nëse adoleshenti është mjaft fatlum të rritet në një familje të kujdesshme dhe në mesin e shokëve të mirë, ne mund të parashikojmë për të një kalim të qetë nëpër atë periudhë. Shumë shpesh shohim adoleshentë të përshtatur mirë brenda familjes, kanë sukses në shkollë, janë adhurues të devotshëm etj.
Mirëpo, situata do të jetë krejtësisht ndryshe nëse babai është shumë i dyshimtë për sjelljen e të birit/bijës, nëna është gjaknxehtë ose perfeksioniste ose nëse adoleshenti është i rrethuar nga një tufë e delikuentëve, të cilët e joshin në rebelim, prishje dhe delikuencë.
Çfarë përfundimi arrijmë nga kjo që e thamë? Dy gjëra mund tëarrihen si përfundim:
E para, një rol të madh mund të luajë familja për t’i ndihmuar adoleshentit të kapërcejë këtë periudhë i sigurt dhe me sukses.
E dyta, se adoleshenti është shpesh viktimë e familjes që nuk e kryen rolin e saj; ose është viktimë e rritjes së tij të saj në një mjedis të shthurët, në shkollë, fqinjësi ose në vend të punës.
Në një mënyrë ose tjetrën, të rriturit janë përgjegjës të paktën pjesërisht, për telashet e adoleshentëve dhe për problemet që i bëjnë dhe për dështimin e përmirësimit të sjelljes së tyre.
Prof. Dr. Abdul Kerim Bekkar, “Adoleshentët” (Vështrime mbi adoleshentët, si t’i kuptojmë, si t’u qasemi dhe si të ndërveprojmë me ta)
