A është ndrydhja shkaku kryesor që e bën fëmijën të bërtasë?
Në disa raste, gjatë fëmijërisë së hershme, dhuna e ushtruar ndaj fëmijës mund të shkaktojë agresivitet dhe refleksin e vetëmbrojtjes duke bërtitur.
Mos tolerimi i gabimeve të fëmijës nga prindi, sjellja e ashpër ndaj tij për ta bërë më të fortë ndaj trysnisë së fëmijëve të tjerë, ushtrimi i trysnisë ndaj tij me idenë që “fëmija im të mos bëhet si ata”, janë përvoja negative që i përjetojnë shumë fëmijë.
Por, trysnia dhe shtrëngimet jo vetëm e bëjnë fëmijën më agresiv, por ngjallin tek ai ndjenjën e vetëmbrojtjes e të hakmarrjes dhe të tillë fëmijë flasin me të bërtitura.
Përfytyroni një fëmijë të cilin në shtëpi e refuzojnë dhe e qortojnë vazhdimisht, me të cilin tallen sa herë që përpiqet të shprehet… Një fëmijë i tillë doemos do të jetë gjithnjë i mllefosur e agresiv dhe do ta shprehë sikletin duke klithur e bërtitur.
Përgatiti: Prinderimi.com
Autor: Dr. Adem Güneş, “Si veprojnë fëmijët dhe pse?”
