A e cenon intimitetin familjar të fjeturit në një dhomë me foshnjën?
Jetoj jashtë shtetit. Duke dëgjuar këshillat e ekspertëve të këtushëm dhe me ndikimin e librave që kam lexuar, e kemi vënë në dhomë veç vajzën tonë 6-muajshe. Ime bijë zgjohet shumë shpesh gjatë natës; a mund të jetë ky shkaku? Gjithashtu, mua dhe gruan time na bën konfuzë edhe çështja e intimitetit. A nuk përbën problem që foshnja të jetë në një dhomë me prindërit?
Bashkëshortët duhet të ndjejnë përgjegjësinë e të qenit prindër.
Nëse e ndani që 6-muajsh fëmijën tuaj, e vështirësoni krijimin e lidhjes së besimit mes nënës dhe bijës. Një model i tillë jashtë shtetit nuk konsiderohet fort i keq, prandaj ata e zbatojnë. Duke qenë se ajo çka synohet me rritjen e fëmijës në çdo kulturë është e ndryshme, mënyra e një kulture të huaj mund të mos jetë e përshtatshme për ju. Në përgjithësi jashtë shtetit përpiqen të rrisin fëmijë individualistë, prandaj dhe prindërit i ndajnë që në moshë të hershme.
Nëse doni të rrisni një fëmijë individualist, mund ta zgjidhni këtë metodë. Por, nëse doni që fëmija juaj të mos bëhet individualist, por të ketë ndjenjë kolektive dhe dëshironi që të keni një lidhje të gjatë e të pashkëputshme me të, atëherë përpiquni që gjatë dy viteve të para të mos e ndani fëmijën. Dy vitet e para duhet të prisni që të plotësohet periudha e lidhjes së fëmijës me nënën. Për sa i përket shqetësimit tuaj lidhur me “intimitetin” nëse fëmija fle në krevatin prindëror për dy vjet, kjo është e kuptueshme. Asnjë prind nuk dëshiron ta shpalosë jetën private pranë fëmijës, edhe kur ky është në gjumë. Por, kur themi të flini bashkë me fëmijët, nuk kemi parasysh këtë. Mund ta largoni për pak fëmijën, mund ta coni në një dhomë tjetër gjatë gjumit e pastaj ta merrni sërish pranë. Tek e fundit, mos harroni se e gjithë shtëpia është juaja.
Përgatiti: Prinderimi.com
Autor: Dr. Adem Güneş, “Si veprojnë fëmijët dhe pse?”
