UDHËZIMI ADMINISTRATIV 1/2008 – Këshilli drejtues, përbërja, kompetencat e tij dhe përbërja e komisionit, mënyra e zgjedhjes së udhëheqësve dhe personelit të institucioneve parashkollore 

 Republika e Kosovës

Qeveria 

Ministria e Arsimit, e Shkencës dhe e Teknologjisë

Kabineti i Ministrit/Kabinet Ministra/ Cabinet of the Minister

UDHËZIM ADMINISTRATIV

KËSHILLI DREJTUES, PËRBËRJA, KOMPETENCAT E TIJ DHE PËRBËRJA E KOMISIONIT, MËNYRA E ZGJEDHJES SË UDHËHEQËSVE DHE PERSONELIT TË INSTITUCIONEVE PARASHKOLLORE

NUMËR :1/2008 DATË :3.03.2008

Në bazë të nenit 1.3 pika ( d) të Rregullores së UNMIK-ut nr. 2001/19 mbi Degën e Ekzekutivit të Institucioneve të Përkohshme të Vetëqeverisjes në Kosovë,  nenit 25 paragrafi 7 i Rregullores së Punës së Qeverisë së Kosovës nr.1/2007, nenit 13.5 të Ligjit mbi Arsimin Fillor dhe të Mesëm në Kosovë , nenit 10.3, 28.7 dhe 49  të Ligjit mbi Edukimin Parashkollor, Ministria e Arsimit, Shkencës dhe  Teknologjisë (më poshtë MASHT) nxjerr këtë Udhëzim administrativ:

Neni 1 Qëllimi

Qëllimi i këtij UA është që të përcaktojë përbërjen, kompetencat e Këshillit drejtues të institucioneve parashkollore si dhe përbërjen e komisionit dhe  mënyrën e zgjedhjes së udhëheqësve në institucionet parashkollore.

Neni 2  Përbërja e Këshillit drejtues

1. Këshilli drejtues zgjedhet nga  prindërit e fëmijëve të Institucioneve parashkollore.
2. Anëtarët e Këshillit drejtues zgjedhen me kundër kandidatë dhe zgjedhja bëhet me votim te fshehtë.
3. Mandati i anëtarëve të Këshillit drejtues zgjat 2 vjet me mundësi të rizgjedhjes .
4. Drejtori i IP është sekretar i Këshillit të institucioneve parashkollore dhe ka të drejtë të propozojë.
5. Numri i anëtarëve të Këshillit drejtues përcaktohen në bazë të numrit të fëmijëve në IP dhe sillet prej 5 deri në 7 anëtarë.

Neni 3 Kompetencat e Këshillit drejtues

Këshilli drejtues  i ka këto kompetenca:

1. Hartimi dhe miratimi i planit dhe programit vjetor të punës sëinstitucionit
2. Hartimi i rregulloreve të institucioneve parashkollore të cilat i paraqiten për miratim komunës.
3. Zgjedh një përfaqësues të prindërve dhe një përfaqësues të edukatoreve për të marrë  pjesë në zgjedhjen e drejtorit dhe edukatoreve të kopshtit dhe çerdhes sipas      procedurave të parapara me ligj.
4. Vendos për caktimin e fondeve me kontribut nga prindërit dhe fondet tjera të

Neni 4 Komisioni për përzgjedhjen e udhëheqësve dhe personeli të  Institucioneve Parashkollore

• Komisioni për zgjedhjen e drejtorit të IP të themelohet në çdo Komunë dhe përbëhet prej:
  • Një përfaqësues të MASHT-it (kryetarë i komisionit)
  • Drejtori Komunal i Arsimit
  • Zyrtari i Lartë i Arsimit (nga sektori që gjeografikisht e mbulon institucion parashkollor)
  • Një anëtar si vëzhgues nga SBASHK.

1. Komisioni për zgjedhjen e drejtorit të institucionit parashkollor do të mbështetet edhe nga dy anëtarë  konsultativ :
   1. Një prind nga Këshilli i prindërve të Institucioneve Parashkollore dhe
   2. Një përfaqësues i institucionit parashkollor.
2. Përbërja e Komisionit për përzgjedhjen e personelit të Institucioneve parashkollore
   1. 1. Drejtori Komunal i Arsimit
      2. Zyrtari i Lartë  i Arsimit
      3. Drejtori i institucionit parashkollor.

Neni 5 Procedura e zgjedhjes së personelit arsimor

1. Personeli edukativ në institucion parashkollor zgjedhet sipas procedures së përcaktuar       me Rregulloren  36/2001 Mbi shërbimin Civil të Kosovës si dhe Urdhëresën       Administrative nr. 2003/2 të UNMIK-ut për zbatimin e Rregullores së UNMIK-ut       nr. 2001/36.
2. Komisioni për zgjedhjen e personelit edukativ do ti shqyrtoj të gjitha kërkesat e       kandidatëve dhe pastaj në bazë të kritereve (shkalla e përgatitjes profesionale,       rezultatet në punë, përvoja e punës në arsim ,etj) do të përpilohet një listë e ngusht prej tre (3) kandidatëve për intervistë.
3. Komisioni do ti intervistoj kandidatët e listës së ngushtë një nga një dhe do ti vlerësoj ata në bazë të kritereve.
4. Personelin edukativ në institucion parashkollor, e zgjedh Drejtoria Komunale e Arsimit (DKA) në bazë  të rekomandimit të komisionit për zgjrdhjen e personelit.
5. Në rast të mos zgjedhjes së kandidatit të renditur i pari me poena, DKA duhet të jap arsyet e një vendimi të tillë.

Neni 6 Mënyra e zgjedhjes së drejtorit

1. MASHT-i bën zgjedhjen e udhëheqësve në institucionet parashkollore publike, kurse në institucionet private e bën themeluesi i institucionit .
2. Zgjedhja e drejtorëve në institucionet parashkollore bëhet në procedurën e njejtë siç është paraparë në nenin 13.5 dhe 24.2 të Ligjit mbi arsimin fillor dhe të mesëm në Kosovë, Udhëzimin administrativ nr.19/2002 për Procedurën e zgjedhjes së drejtorit, ,Aneksit –I-  8/2003 si dhe Aneksit –II- me nr. 1/2007 të këtij Udhëzimi administrativ.

Neni 7 Hyrja në fuqi

Ky Udhëzim administrativ hyn në fuqi me nënshkrimin e tij .

________________

Enver Hoxhaj, ministër

Loading...

Taking too long?

Reload document

| Open in new tab

Shkarko dokumentin zyrtar