Një lajm i mirë vjen nga shkolla “Naim Frashëri” në Kobajë. Falë donacionit të deputetit Alban Bislimaj, institucioni arsimor u pasurua me 5 kompjuterë të rinj, njofton Prinderimi.com
Këto pajisje të reja do të kontribuojnë në përmirësimin e procesit mësimor dhe do t’u ofrojnë nxënësve mundësi më të mëdha për të shfrytëzuar teknologjinë në mësim.
Në një njoftim të publikuar në faqen zyrtare të shkollës, drejtoria shpreh mirënjohje për këtë gest humanitar të deputetit Bislimaj, duke theksuar se ky donacion është një dëshmi e angazhimit të tij për zhvillimin e arsimit në komunitet.
Me këtë rast, nxënësit dhe stafi i shkollës “Naim Frashëri” shprehen të entuziazmuar për këtë donacion dhe shpresojnë se bashkëpunime të tilla do të vazhdojnë edhe në të ardhmen.
