Qumështi i gjirit, mbrojtës kundër astmës tek fëmijët
Hulumtime të reja kanë zbuluar se qumështi i gjirit ndihmon në rritjen e qëndrueshme të mikrobeve specifike në zorrën dhe zgavrën e hundës së foshnjave, duke ulur potencialisht rrezikun e zhvillimit të astmës tek fëmijët.
Në vitet e fundit, është vërtetuar gjithnjë e më shumë se mikrobioma e zorrëve luan një rol kyç në funksionet e shumta të trupit. Çekuilibrimi i këtyre mikrobeve është shoqëruar me alergji dhe sëmundje të ndryshme, si artriti dhe endometrioza, raporton Health News.
Një studim i publikuar më 19 shtator në revistën shkencore “Cell”, nga studiuesit e NYU Langone Health dhe Universitetit të Manitoba, hedh dritë mbi mënyrën se si ushqyerja me gji ndikon në uljen e rrezikut të astmës në fëmijëri.
Sipas rezultateve, qumështi i gjirit mbështet zhvillimin e mikrobeve të veçanta në zorrët e foshnjave që ushqehen me gji, duke kontribuar në zvogëlimin e rrezikut për astmë.
Prinderimi.com
