Çfarë duhet të bëj në rastet kur fëmija shan? Si duhet ta udhëzoj?
Jam një nënë që punoj dhe fëmijën tim e mbajnë prindërit e mi. Im atë ka qenë shumë ndrydhës dhe ne kemi kaluar një fëmijëri të vështirë. la shpreh dashurinë fëmijës me gjëra negative dhe fjalë të këqija. Shan. Fëmija, herë pas here, na i thotë neve ato sharje. Megjithëse i themi babait se nuk duhet të flasë në atë mënyrë, nuk dëgjon. Nuk e di ç’të bëj. Çfarë qëndrimi mund të mbaj kundrejt sharjeve të fëmijës?
I duhet shpjeguar fëmijës se nuk duhet të përdorë fjalë të këqija.
Së pari, duhet theksuar se dashuria e gjyshërve për nipërit në përgjithësi është e veçantë. Tek gjyshërit peshon më fort dhembshuria dhe me këtë anë i duan nipërit. Në përgjithësi gjyshërit e kanë vrarë dhunën tek vetja, por edhe në dhunë kanë dhembshuri.
Fëmija e ndjen këtë gjë, prandaj edhe kur gjyshi e përkëdhel me fjalë si: “Maskara, hajde këtu i poshtër, ta tregoj unë qejfin!”, fëmija kënaqet emocionalisht, por në të njëjtën kohë mëson edhe fjalë të këqija, të cilat kur i dëgjon nga gjyshi, i mëson si fjalë dashurie.
Nëse fëmija dëgjon të tilla fjalë të këqija me përmbajtje dashurie nga të mëdhenjtë e familjes, duhet folur me të.
Nëse thotë që, “Edhe gjyshi kështu flet!”, mund t’i thuhet se, “Po, ashtu flet gjyshi, sepse baballarët dhe gjyshërit më parë mendonin se kjo ishte gjë e mirë. Por fjalët e këqija nuk duhen përdorur. Gjyshi i përdor me të gjithë ato fjalë, por kjo s’do të thotë se duhet t’i përdorim edhe ne.”
Mund t’i thoni se ju si prindër nuk i përdorni ato fjalë dhe me qetësi t’i shpjegoni se as ai s’duhet t’i përdorë. Duhet të luftoni vazhdimisht, çdo javë, që fëmija të mos i përvetësojë ato fjalë. Përndryshe kjo nuk përbën problem nga ana emocionale. Thjesht përbën problem për edukatën.
Përgatiti: Prinderimi.com
Autor: Dr. Adem Güneş, “Si veprojnë fëmijët dhe pse?”
