Rezultatet nga një pilot – studimi zbuluan se një video-lojë specifike e bazuar në ushtrime i mbajti fëmijët autikë të angazhuar më mirë se ndërhyrjet e tjera dhe promovoi aftësitë motorike, lëvizjen dhe aktivitetin fizik.
Megjithëse DSM-5 nuk përfshin deficitet e aftësive motorike si një kriter diagnostikues për autizmin, hulumtimet tregojnë se fëmijët me çrregullim të spektrit të autizmit kanë vonesa të konsiderueshme si në aftësitë motorike fine ashtu edhe në ato bruto krahasuar me fëmijët neurotipikë, shkruan burimi Health News përcjell Gazeta Shneta.
Për shembull, një studim i vitit 2021 i publikuar në “Autism Research”, zbuloi se fëmijët me çrregullim të spektrit të autizmit ishin 22 herë më të rrezikuar për dëmtim motorik sesa fëmijët joautistë.
Tani autorja e studimit, Anjana Bhat, një profesoreshë e terapisë fizike në Kolegjin e Shkencave Shëndetësore të Universitetit të Delaware (UD), po heton ndërhyrjet e aftësive motorike tek fëmijët autikë në Laboratorin e Inovacionit “Move 2 Learn Innovation”.
Hulumtimi i financuar nga Fondi Kërkimor i Shkencave Shëndetësore, ka treguar se video-lojërat, veçanërisht Ring Fit for Nintendo Switch, mund të ndihmojnë fëmijët autikë të përmirësojnë lëvizjen fizike dhe të fitojnë aftësi të tjera kritike.
“Fëmijët i duan video-lojërat dhe ato janë argëtuese,” tha autorja Bhat në një deklaratë për shtyp.
“Por ka gjithashtu shumë prova që video-lojërat me një komponent ushtrimesh kanë efekte pozitive në aftësinë njohëse, ndërveprimet sociale dhe nivelet e përgjithshme të aktivitetit fizik.”
Ekipi sugjeron që ndërhyrja në video-lojëra mund të jetë më efektive për rritjen e aftësive motorike sesa aktivitetet e tjera të lëvizjes, të tilla si joga dhe loja në natyrë, sepse ndihmon në mbajtjen e fëmijëve autikë të angazhuar.
Për më tepër, fëmijët mund të marrin pjesë në ndërhyrjet stërvitore me një partner, gjë që mund të nxisë aftësitë sociale dhe funksionet njohëse si vendimmarrja.
“Ky është një vend ku fëmijët me autizëm shkëlqejnë. Mësimi i tyre vizual dhe përmirësimet ndijore i ndihmojnë ata të shkëlqejnë. Kjo u jep atyre një ndjenjë të vetë-efikasitetit dhe vetësigurimit se ata janë të mirë në këtë,” tha Bhat.
Për shkak të rezultateve premtuese të pilot-studimit, ekipi hulumtues planifikon të testojë ndërhyrjen e bazuar në Ring Fit në një hetim në mbarë komunitetin.
