Nëse pas leximit të kësaj analize ndiheni keq sepse kuptoni që nuk jeni sjellë në mënyrën e duhur gjatë periudhës së shtatzënisë, (për shembull mund të keni qenë në gjendje të stresuar emocionale, gjë që mund të ndodhë jo vetëm për shkak të hormoneve, por edhe sepse keni pasur vërtet arsye për të qenë të shqetësuar), faleni menjëherë veten tuaj.
Ne dëshirojmë t’i japim kuptim botës sonë, gjë që na jep ndjesinë e kontrollit, por përpiquni t’i jepni kuptim botës suaj në një mënyrë që nuk do t’ju bëjë të ndiheni sikur keni shkaktuar një “këputje”, e cila nuk mund të riparohet më. Për shembull, ju mund të jeni duke i thënë vetes ose partnerit tuaj që për shkak se e keni përjetuar me shumë stres periudhën e shtat- zënisë, kjo i ka shkaktuar fëmijës suaj probleme të tilla si për shembull, mospërqendrimi. Mund të mos ketë asnjë arsye të caktuar se përse fëmija juaj është i tillë.
Ju sjell më shumë dobi që t’i vëzhgoni fëmijët tuaj në të tashmen, për të kuptuar se cila është mënyra më e mirë për t’i ndihmuar ata, sesa të men- doni se sjellja e tij ka lidhje me diçka që ju mund të keni bërë në periudhën e shtatzënisë. Qetësojeni veten nga akuzat për një shtatzëni të stresuar, duke pranuar që në atë periudhë, ju keni bërë më të mirën e mundshme me njohuritë dhe buri- met që keni pasur.
Vetëndëshkimi nuk ndihmon askënd.
Përgatiti: Prinderimi.com
Autor: Philippa Perry, “Libri që do të dëshironit të lexonin prindërit tuaj”
