Udhëzues për prindërit përreth filmit:
The Boy, The Mole, The Fox and The Horse
Mosha: 5+
Përshtatje mahnitëse e librit që manifeston miqësinë.
Klasifikimi i Common Sense Media: Film për fëmijë
Vlerësimi nga: Polly Conway, recensues pranë Common Sense Media
Formati: Film | 2022 | 35 Minuta
Rreziqet: Filmi mund të përmbajë momente tensioni, kërcënimi dhe rreziku. Nuk parashihet të jetë shqetësues për tu shikuar.
Shumë apo pak?
Çfarë do të gjeni dhe çfarë nuk do të gjeni në këtë film.
Mesazhe pozitive
Puna ekipore dhe miqësia janë tema të mëdha e të rëndësishme që trajtohen. Në film trajtohet edhe dashuria dhe mundësia për të krijuar familje. Kafshët japin shumë këshilla, duke përfshirë një ta to se: “Jeta është e vështirë, por ju jeni të dashur!”.
Modele të roleve pozitive
Djali është i vendosur dhe i sjellshëm. Urithi është i dobishëm dhe i ngrohtë. Ata të dy punojnë së bashku për të nxjerrë më të mirën nga Dhelpra, që është e vështirë për t’u kuptuar shpeshherë.
Dhuna dhe frika
Lehtësisht momente tensioni kur Djali dhe Urithi ndjehen të kërcënuar nga Dhelpra. Dhelpra kërcënon që ta vrasë Urithin. Njëri nga personazhet pothuajse mbytet, por në fund ia del të shpëtojë. Stuhia dimërore paraqet rrezik për udhëtarët.
Produkte dhe blerje
Filmi është i bazuar në një libër popullor.
Prindërit shqiptarë duhet të dinë se ‘’The Boy, The Mole, The Fox and The Horse’’ është një film i shkurtër që bazohet në librin popullor për fëmijë të Charlie Mackesy-t. Ai ndjekë udhëtimin e një djali (me zërin e Jude Coward Nicoll-it) i cili po kërkon shtëpinë e tij. Përgjatë rrugës, ai takon tre kafshë që e ndihmojnë dhe e këshillojnë për çështjet e mëdha të jetës. Prisni disa momente rreziku, si për shembull kur kafshët e tjera kërcënohen nga Dhelpra (Idris Elba) dhe kur një personazhi gati mbytet duke kaluar një lumë të egër. Në përgjithësi, ky realizim filmi i butë është i animuar bukur, me ritëm dhe familjet e të gjitha moshave do t’i vlerësojnë mësimet e saj.
Cili është tregimi?
Një djalë i ri endet në heshtje në një peizazh me dëborë. Ai takon një Urith (Tom Hollander) shoqërohen dhe udhëtojnë së bashku. Djali është në kërkim të shtëpisë së tij, por nuk e di se ku aktualisht ndodhet. Ata rrezikohen kur ndiqen nga një Dhelpër (me zërin e Idris Elba) derisa takojnë edhe një kalë madhështor (Gabriel Byrne)e tutje pason një aventurë e butë dhe shumë mençuri shpërndahet gjatë procesit.
A është i mirë?
Për të qenë kaq i ftohtë vizualisht, ky film i shkurtër rrezaton absolutisht ngrohtësi dhe mrekulli. The Boy, The Mole, The Fox and The Horse është paksa i botës tjetër dhe pak i bezdisshëm, si ‘’paraardhësit’’ në tonin e Snowman, Winnie Pooh dhe Princi i Vogël, por është i zhytur në peizazhe natyrore realiste dhe biseda mashtruese rastësore. Në duar më të vogla, filmi dhe mësimet e tij të shumta mund të ndihen si sentimentale, por çdo rresht është unik, falë shkrimit dhe grupit ekspert të aktorëve britanikë. Është një klasik i ri i bukur i dimëror që familjet nuk do të duan ta humbasin.
Bisedoni me fëmijët tuaj rreth…
- Familjet mund të flasin përreth familjes dhe shtëpisë. Çfarë do të thotë të kesh një shtëpi? Po një familje? A duhet që njerëzit të kenë lidhje me ju për të qenë familjar?
- Si krijon miqësi Djali me të gjitha kafshët që takon me kalimin e kohës? Çfarë sfidash përballet ai për ta bërë këtë?
Detajet e filmit
Në DVD ose transmetim: 25 Dhjetor 2022;
Luajnë: Idris Elba, Tom Hollander, Gabriel Byrne;
Regjisori: Peter Baynton;
Informacioni për përfshirjen: Aktorët me ngjyrë;
Studio: Apple TV+;
Zhanri: Për familje dhe fëmijë;
Temat: Kafshët e egra;
Koha e ekzekutimit: 35 Minuta;
Vlerësimi MPAA: NR;
Çmimet: Çmimi i Akademisë, Common Sense Selection;
Përditësimi i fundit: 13 Mars 2023;
Solli në shqip: Prinderimi.com
