Mosha: 8+
Maçoku karizmatik rritet për një nivel më lartë nga rrezikshmëritë.
Vlerësimi nga: Jennifer Green, recensues pranë Common Sense Media
Klasifikimi i Common Sense Media: Film për fëmijë
Formati: Film | 2022 | 100 Minuta
Rreziqet: Filmi përmbanë gjuhë të theksuar vulgare dhe humor të vrazhdë, veprime kërcënuese, dhunë, luftime, rënie, shpërthime, zjarre, përplasje e vdekje. Ka gjithashtu flirtime mes personazhesh, dehje nga alkoli dhe momente të frikshme.
Shumë apo pak?
Çfarë do të gjeni dhe çfarë nuk do të gjeni në këtë film.
Vlera arsimore
Nga filmi, fëmijët mund të marrin si mësim disa fjalë në spanjisht nëse nuk i dinë ato dhe nga modeli i personazhit ‘’Perrito’’, mund të mësojnë vlerën e të menduarit pozitiv dhe të mbështetjes së miqve.
Mesazhe pozitive
Familja është ajo se ‘’ku e gjen e kush e bën’’. Nëse kemi vetëm një jetë për të jetuar, duhet ta shfrytëzojmë sa më shumë dhe të rrethohemi me ata që duam. Fama mund të jetë e vetmuar dhe ndjekja e saj në fund të fundit e pakuptimtë. Lidhjet e vërteta me të tjerët janë më të vlefshme.
Modele të roleve pozitive
Maçoku në fund e kupton se sa shumë kujdeset për të tjerët në jetën e tij dhe sa bën sakrifica për ta. Kitty Softpaws e lë mënjanë pakënaqësinë për të shpëtuar ‘Maçokun’ dhe ‘Perriton’/Qenin dhe për të punuar me ta si një ekip. Pikëpamja pozitive e Perritos e bën shumë më të lehtë rrugën e jetës së tij: Ai është një mik i mirë dhe besnik. Arinjtë kërkojnë telashe, por janë një njësi e fortë familjare njëkohësisht. Jack Horner është një zuzar i vërtetë, ndërsa përjetimet etij përpiqen t’i japin njëfarë lidhjeje pse është i tillë.
Përfaqësime të ndryshme
Kasti i zërit drejtohet nga aktorë spanjollë dhe latinë (Banderas, Hayek, Guillén, etj.) të cilët përziejnë fjalë dhe fraza spanjolle në dialogun dhe këndimin e tyre. Personazhet e tjerë kryesorë janë zënë nga aktorë ndërkombëtarë, kryesisht nga Shtetet e Bashkuara të Amerikës, Anglia dhe Brazili. Një personazh i vogël (një grua që pranon macet endacake) është me ngjyrë. “Dhjami” përdoret si fyerje dhe madhësia/forma e Jack Horner sugjerohet të jetë pjesë e asaj që e bën atë jotërheqës.
Dhuna dhe frika
Personazhet përballen me kërcënime të shpeshta, duke përfshirë vdekjen në formën e një ujku vrasës të frikshëm. Maçoku vritet në një skenë të hershme, por kthehet në jetë sepse ai është fundja një maçok me 9 jetë. Më pas ai rishikon mënyrat (komike) se si u vra tetë herë më parë (përfshirë të qëlluarit nga një top, shtypjen nga një peshë e rëndë, rënien nga një lartësi e konsiderueshme, etj.). Sekuencat e veprimit të animuar përfshijnë shpata dhe thika, udhëtime ogurzeza nëpër mjedise kërcënuese, luftime, rënie, shpërthime, zjarre e përplasje. Jack Horner është mizor, frikësues dhe i shpejtë për të rrezikuar jetën e të tjerëve. Ka pamje të tilla kur një nga miqtë e tij hahet nga një bimë dhe tregohet skeleti i tij. Maçoku ka edhe një sulm paniku përgjatë procesit.
Seks, romancë dhe lakuriqësi
Maçoku dhe ‘Softpaws’ flirtojnë dhe kujtojnë momentet se si ranë në dashuri.
Gjuha
“Q**”, “m**”, “dreq”, “prapa”, “idiot”, “budalla”, “i çuditshëm”, “dem”, “i çoroditur”, “i trashë” (si një fyerje) dhe fjalët (duket kryesisht si “m**”) që nxirren me zë, janë nga gjuha vulgare e përdorur në film. Përmenden edhe “Dingleberries” si fjalë.
Produkte dhe blerje
Pjesë e ekskluziviteteve Puss in Boots dhe Shrek-ut, të cilat vijnë me shumë tregtime jashtë ekranit.
Pirja, droga dhe duhani
Në një nga skenat e vdekjes së Maçokut, ai shihet jashtëzakonisht i dehur (e rishikuar disa herë me anë të kthimit të videos). Maçoku gjithashtu pranon me kënaqësi qumështin në një lokal.
Prindërit shqiptarë duhet të dinë se Puss in Boots: The Last Wish përqendrohet te personazhi popullor i Shrek 2 Puss in Boots (i shprehur nga Antonio Banderas). Kjo gjë rrit rrezikun e ekskluzivitetit. Maçoku është deri në fundin e nëntë jetëve të tij dhe ai ndiqet gjatë gjithë filmit nga një manifestim rrëqethës, fishkëllimë e vdekjes në formën e një ujku që zotëron dy shpata të mprehta në formë gjysmëhëne. Në ndjekjen e dëshirës së fundit mistike, e cila mund t’i rikthejë jetët e tij të tretura, Maçoku ndeshet me një sërë personazhesh të tjerë kërcënues, situata ogurzeza dhe luftime të dhunshme (me shpata, thika dhe armë të tjera). Por, ai gjithashtu mëson mësime për vlerën e të menduarit pozitiv, të punës me të tjerët dhe t’u japë përparësi njerëzve të dashur mbi ndjekjet egoiste. Zëri i hedhur, i udhëhequr nga një kastë spanjolle dhe latine, e përmirëson dialogun me spanjishten. Gjuha përfshin fjalët “ferr”, “m**”, “i marrë”, “i prapambetur”, “dhj**”, “idiot”, “i çmendur”, “budalla”, “e çuditshme” dhe disa fjalë tjera të papërshtatshme. Maçoku shfaqet në mënyrë marramendëse i dehur në disa skena që luhen për humor.
Cili është tregimi?
Heroi i patrembur i filmit Puss in Boots (me zërin e Antonio Banderas) shijon famën e tij kur ai vritet papritur në fillimin e Maçoku në çizme: Dëshira e fundit. Ndërsa është rikthyer në jetë, ai është paralajmëruar se tani ka kaluar tetë nga nëntë jetët e tij. Realiteti i vdekshmërisë së tij e mbush Maçokun me një frikë të sapogjetur nga vdekja. Kjo përforcohet nga ujku kërcënues (Wagner Moura) i cili fillon ta ndjekë, duke i premtuar se do t’i marrë jetën e fundit. Maçoku fshihet në një shtëpi shpëtimi macesh, ku takon një qen (çiua-ua) të pafajshëm dhe të vetmuar, Perrito (Harvey Guillén), i cili ngjitet pas Maçokut si miku i tij i ri më i mirë. Një ditë, tre arinjtë (Olivia Colman, Ray Winstone dhe Samson Kayo) dhe Goldilocks (Florence Pugh) shfaqen në strehën e Maçokut dhe dëgjohen planet e tyre për të bërë një hartë magjike që do t’i çojë ata në një ‘’botë’’ mistike. Dëshira e fundit, e cila ndoshta mund të jetë sekreti i rifitimit të pavdekësisë së tij. Maçoku dhe Perrito ngriten së bashku për të gjetur hartën dhe për të realizuar dëshirën e tij. Gjatë rrugës, ai has më shumë kërcënime, veçanërisht Jack Horner (John Mulaney) dhe ndeshet me Kitty Softpaws (Salma Hayek Pinault).
A është i mirë?
Shoku karizmatik i maçokut tek Shrek-u, është kthyer në formë të shkëlqyer në këtë vazhdim filmi, të mbushur me aksion. Por, Puss in Boots: The Last Wish mund të ketë bërë mirë të fokusohet më shumë te personazhet e tij, të njohur dhe të rinj, dhe më pak te aksioni pa ndalime. Skenat e ndjekjes dhe të përleshjes janë vizualisht mbresëlënëse, por, nga ana narrative, ato ‘plaken shpejt’. Ajo që nuk plaket është besimi i Maçokut në egërsinë e tij dhe statusin e “heroit të patrembur” dhe në mirësinë e Perrito-s. Është pothuajse një zhgënjim kur numri fantastik muzikor i hapjes i jep vendin një skene tradicionale ndjekjeje dhe luftimesh. Zëri i udhëhequr nga Banderas, i dashuri Hayek dhe i porsaardhuri Guillén si çiuaua simpatik – është edhe një here diçka perfekte. Dhe, filmi sjell pak spanjisht në mënyra të natyrshme (pasthirrma) dhe plotësuese (kolona zanore).
Muzika është një nga elementët më të spikatur të filmit. E mbikëqyrur nga kompozitori brazilian Heitor Pereira, kolona zanore varion nga pjesët origjinale të kënduara nga Pereira dhe Banderas ose yjet e Amerikës Latine si Gaby Moreno dhe Karol, deri te klasikët e ripunuar, si një version spanjoll i “The End” tek The Doors. Përzierja e historisë e personazheve të përrallave mund të jetë pak konfuze: zuzari kërcënues Jack Horner, një Goldilocks egoist që ndonjëherë ngatërrohet për Bo Peep dhe një ujk i madh e i keq. Është pjesë e personalitetit të ekskluzivitetit të Shrek, por personazhet e panjohur mund të kenë funksionuar po aq mirë dhe ndoshta të kenë qenë më pak të turbullt, duke lejuar edhe më shumë përqendrim te macet fantastike. Realiteti është se shumë shikues do të vijnë për maçokun dhe kjo aventurë e fundit siguron që ata do të qëndrojnë për të.
Flisni me fëmijët tuaj rreth…
- Familjet mund të flasin për atë që mëson Maçoku gjatë rrjedhës së aventurave të tij në Puss in Boots: The Last Wish. Çfarë tregojnë Perrito/Qeni dhe Kitty Softpaws me veprimet e tyre? Si mësojnë të gjithë të punojnë si ekip?
- Si u krahasuan skenat e frikshme/të dhunshme në këtë film me ato në filmat e tjerë të Shrekut? Cili është ndikimi i dhunës në media tek fëmijët?
- Nëse do të kishit një dëshirë magjike për të bërë, cila do të ishte ajo dhe pse?
- Në çfarë mënyrash ndryshoi harta magjike për secilin prej përdoruesve të saj? Cili ishte qëllimi i kësaj?
Detajet e filmit
Në kinema: 21 Dhjetor 2022;
Në DVD ose transmetim: 6 Janar 2023;
Luajnë: Antonio Banderas, Salma Hayek, Harvey Guillén, John Mulaney, Florence Pugh;
Regjisori: Joel Crawford;
Informacioni i përfshirjes: Aktorë femra, aktorë latinë, aktorë të Lindjes së Mesme/Afrikës së Veriut dhe aktorë queer;
Studio: Universal Pictures;
Zhanri: Për familje dhe fëmijë;
Temat: Magjia dhe fantazia, aventurat, macet, qentë dhe minjtë, si dhe miqësia;
Pikat e forta të karakterit: Puna në grup;
Koha e ekzekutimit: 100 minuta;
Vlerësimi MPAA: PG;
Shpjegimi i MPAA: Veprim/dhunë, humor/gjuhë e vrazhdë dhe disa momente të frikshme;
Përditësimi i fundit: 11 tetor 2023
Solli në shqip: Prinderimi.com
