Adoleshenti: Si të rifitoj besimin e prindërve?
Pyetja e adoleshentit: Kohët e fundit nuk më pëlqen t’u tregoj asgjë prindërve të mi. Si mund të arrij të flas sërish me ta?
Përgjigjja e specialistit:
Gjatë adoleshencës ndodh që marrëdhëniet ndërmjet prindërve dhe fëmijëve të ndryshojnë për motive të ndryshme. Prindërit, të cilët deri në periudhën e fëmijërisë kanë qenë pika absolute e referimit, fillojnë të zëvendësohen nga miqtë, shkolla, gjykimi personal etj, opinionet e aktorëve përtej prindërve fillojnë të kenë rëndësi të madhe për ty. Kur rritet rëndësia e aktorëve të tjerë përreth teje më shumë se sa për prindërit, mund të zhvillosh perceptimin e gabuar se prindërit janë jashtë mode.
Nga ana tjetër, shumica e adoleshentëve mendon se prindërit nuk i marrin ata në konsideratë.
Ajo që ndodh është thjesht një problem komunikimi: kur prindërit e tu kërkojnë të dinë diçka për ty, ti mbyllesh në vetvete. Ata shpresojnë që të jesh ti ai/ajo që kërkon të hapesh me ta. Këtë tërheqje ti e interpreton si mosinteresim ndaj teje.
Të rifitosh besimin e humbur është shumë e thjeshtë: mjafton të hedhësh një hap për të dalë nga rrethi vicioz ku je futur. Komuniko njëjtë me prindërit, ki konsiderata, dëgjoji ata dhe kërko të të dëgjojnë dhe arrini së bashku në përfundimin më të mirë.
