Mosha: 8+
Për të nxjerrë poenta të mëdha në jetë, satira e ëmbël dhe prekëse nuk mjafton.
Vlerësimi nga: Betsy Bozdech, recensues pranë Common Sense Media
Klasifikimi i Common Sense Media: Film për fëmijë
Formati: Film | 2022 | 89 Minuta
Rreziqet: Filmi mund të përmbajë disa materiale sugjestive dhe elemente tematike. Guacat përballen me shumë rrezik në jetë, nga qentë, ketrat, njerëzit, lartësitë, objektet që bien etj. Ka skena të humbjeve të trishtueshme dhe skena pikëllimi.
Shumë apo pak?
Çfarë do të gjeni dhe çfarë nuk do të gjeni në këtë film.
Vlera arsimore
Marseli modelon zgjuarsinë dhe kreativitetin në qasjen e tij për tejkalimin e pengesave dhe zgjidhjen e problemeve.
Mesazhe pozitive
Thekson rëndësinë e familjes, komunitetit dhe lidhjes së dyanshme me të tjerët, si dhe të bësh gjënë e nevojshme, edhe kur është e vështirë apo e frikshme. Filmi përçon fuqinë transformuese të miqësisë, demonstron se mund të lidheni me njerëzit në internet dhe ta shihni botën virtualisht, d.m.th., edhe nëse bota juaj është e vogël në shtrirje, mund të gjeni mënyra për ta eksploruar. Adreson idenë e një audience kundrejt një komuniteti dhe se të ndihmosh dikë vetëm për ‘’shfaqje’’ nuk është vërtet e dobishme. Thekson mirë se, ndonjëherë duhet të zhytesh tërësisht në të jetuarit e jetës.
Modele të roleve pozitive
Marseli është i guximshëm, besnik, një guaskë e përkushtuar për Nana Connie, duke menduar vazhdimisht për nevojat vetanake dhe duke i vënë ato në radhë të parë. Ai gjithashtu tregon mirënjohje dhe këmbëngulje. Nana Connie e do Marselin dhe dëshiron ta inkurajojë atë të jetë i guximshëm dhe të marrë rreziqe, të hapet dhe të zhytet në jetë. Në anën tjetër edhe Dekani është i dobishëm shumicën e kohës.
Përfaqësime të ndryshme
Personazhi dhe historia e Marselit tregojnë se njerëzit (dhe guaskat) nuk duhet të kufizohen nga madhësia ose shtati i tyre. Nana Connie është një guaskë e fortë dhe e pavarur femërore.
Dhuna dhe frika
Guacat përballen me shumë rrezik në botë, nga qentë, ketrat, njerëzit, lartësitë, objektet që bien, lavatriçet, etj. Për shembull, në një rast Nana Connie bie dhe plagoset, guaska e saj thyhet. Ka një humbje të trishtueshme, e cila pasohet nga pikëllimi. Kur niset në botë, Marseli grumbullon një gozhdë dhe një shkrepëse për ta përdorur si armë nëse është e nevojshme. Shihet edhe skena kur një çift debatojnë.
Seks, romancë dhe lakuriqësi
Nënkuptohet se Marsel gjenë qime (“qime të përzemërta”, i quan ai) në dush dhe banjo dhe i përdorë ato për projektet e tij. Marsel bën zhurma puthjesh për të qenë qesharak dhe thotë fraza të tilla si: “oh, baby, baby”, duke aluduar në disa pamje puthjesh që i kishte parë në televizion.
Gjuha
Përdorimi i rrallë i fjalëve/frazave duke përfshirë fjalë si: “d***”, “idiot”, “oh my God”, “qepe” dhe “m**.”
Produkte dhe blerje
YouTube, Airbnb dhe 60 Minutes luajnë role të spikatura në këtë histori. Produkte të tjera të përmendura përfshijnë: Sister Act, Diet Coke, Google, Mitsubishi, Crayola, Starbucks, iPhone dhe kompjuterët Mac.
Pirja, droga dhe duhani
Marsel thotë se një bletë që sillet në mënyrë të çuditshme ka pasur shumë ‘nektar’. Një tapë shpërthen gjatë një feste, duke aluduar në pirje alkooli.
Prindërit shqiptarë duhet të dinë se Marsel the Shell with Shoes On është një tallje/satirë e ëmbël, prekëse, live-action/animuar e bazuar në filmat e shkurtër popullor rreth një guaske antropomorfike, një inç të gjatë të quajtur Marsel (me zërin e Jenny Slate) që fitoi popullaritet në YouTube në fillim të viteve 2010. Historia ndjek kërkimin e Marselit për të gjetur familjen e tij të humbur prej kohësh me ndihmën e një regjisori njeri. Personazhet merren me humbjen dhe shprehin pikëllimin e tyre. Ata përballen me rreziqe të përditshme si kafshët, lartësitë dhe këmbët e njerëzve. Marseli paketon armët e tij (një gozhdë dhe një shkrepëse) kur shkon në botën ‘’reale’’. Por, në përgjithësi ky është një film shumë i butë, me mesazhe të forta për rëndësinë e familjes, të bësh gjënë e duhur edhe kur është e vështirë dhe mbi të gjitha, fuqinë transformuese të miqësisë. Gjuha është e kufizuar në pasthirrmat e rralla si “dang it” dhe “oh my God”, ka një referencë puthjeje dhe një tapë shfaqet gjatë një feste. Ndërsa përmbajtja është e përshtatshme edhe për nxënësit e rinj të shkollave fillore. Ritmi i qetë i qëllimshëm i filmit dhe fokusi në bisedë mbi veprim e bëjnë atë më të përshtatshëm për fëmijët e vegjël dhe të rinjtë.
Cili është tregimi?
MARSEL THE SHELL ME SHOES ON tregon historinë e një krijese të vogël antropomorfike të quajtur Marsel (me zërin e Jenny Slate) i cili jeton me gjyshen e tij, Nana Connie (Isabella Rossellini), në një shtëpi periferike të përdorur si Airbnb. Kanë qenë vetëm ata të dy që kur familja e tyre e madhe me guaska u zhduk në mënyrë misterioze dy vjet më parë. Ndërsa Marsel njihet me regjisorin e dokumentarëve Dean Fleischer-Camp, i cili qëndronte në shtëpi. Derisa merret me dramën e tij personale, guaska e vogël frymëzon Fleischer-Camp të postojë video në YouTube të Marselit, që tregon jetën e tij të përditshme. Fama i është rritur dhe përfundimisht historia e Marselit arrin në veshët e atyre që mund të jenë në gjendje ta ndihmojnë atë të kuptojë se çfarë ndodhi me familjen e tij.
A është i mirë?
Filmi është i mirë, i ëmbël, prekës dhe qesharak, por edhe qëllimisht i qetë dhe i zhytur në mendime. Ky film për perspektivën unike të jetës së një guaskë të vogël, do t’ju bëjë të shikoni mjedisin tuaj në një mënyrë tjetër. Bazuar në një seri videosh të njohura në YouTube nga fillimi i viteve 2010, Marsel the Shell with Shoes On është një punë dashurie që iu deshën më shumë se gjashtë vjet për ta bërë Slate-it dhe FleischerCam-it. Fansat e videove origjinale do t’i vlerësojnë thirrjet për shaka për gjëra të tilla, si Marseli, duke përdorur thonjtë e këmbëve për ski. Ka shumë më tepër në këtë version më të gjatë të historisë së Marselit. Kujdesi që u kushtua qartë krijimit të Marselit si personazh dhe botës së tij, është dukshëm në çdo skenë, nga gjurmët e tij të vogla të mjaltit në mure (mjalti e ndihmon atë të ngjitet) deri te sistemet e përpunuara që ai vendos për të mbledhur ushqimin dhe për të lëvizur nëpër shtëpinë e tij.
Udhëtimi i Marselit për të gjetur familjen e tij ndihet i madh dhe frikësues për të, është e rëndësishme të mbani mend se e gjithë histori kjo po ndodh në shkallë. Fëmijët e vegjël ose ata që presin aksion dhe aventurë mund ta gjejnë vëmendjen e tyre të tretur ndërkohë që Marseli vërtitet nëpër shtëpinë e tij dhe vendos se çfarë të bëjë. Por, për ata që janë në gjendje të përqendrohen në këtë hero të vogël dhe në atë që ai mëson për familjen, miqësinë dhe marrjen e rreziqeve të nevojshme, ky film i vogël por i bukur do të ketë një ndikim të madh.
Flisni me fëmijët tuaj rreth…
- Familjet mund të flasin për teknikat e përdorura. Si mendoni se regjisorët e bënë Marselin të lëvizte? Flisni? Sa kohë mendoni se u desh për të përfunduar filmin?
- Çfarë mëson Marseli gjatë rrjedhës së filmit? Si e ndihmon Nana Connie atë të rritet dhe të rrezikojë në jetë? Çfarë lloj rreziqesh janë pozitive për të marrë në jetë?
- Historia e Marselit tregon se si interneti mund të jetë i dobishëm (krijimi i lidhjeve) dhe i dëmshëm (humbja e hapësirës personale / privatësisë). Çfarë ju pëlqen dhe çfarë nuk ju pëlqen në jetën në internet?
- Si e trajton filmi humbjen dhe pikëllimin? A ju ka trishtuar ndonjë pjesë? A e prisnit këtë?
- Për cilin publik mendoni se është realizuar ky film? Çfarë mund të thoni?
Detajet e filmit
Në kinema: 24 Qershor 2022;
Në DVD ose transmetim: 6 Shtator 2022;
Aktorët: Jenny Slate, Dean Fleischer-Camp, Isabella Rossellini;
Regjisori: Dean Fleischer-Camp;
Informacione për përfshirjen: Aktoret femra;
Studio: A24;
Zhanri: Për familje dhe fëmijë;
Temat: Miqësia;
Pikat e forta të karakterit: Guximi; Mirënjohja; Këmbëngulja;
Kohëzgjatja: 89 Minuta;
Vlerësimi MPAA: PG;
Shpjegimi i MPAA: Disa materiale sugjestive dhe elemente tematike;
Çmimi: Common Sense Selection;
Përditësimi i fundit: 29 Korrik 2023;
Solli në shqip: Prinderimi.com
