Të mos u shmangesh pyetjeve
Nëse fëmija yt të bën pyetje të sikletshme, siç janë ato rreth Zotit, ose rreth çështjeve të seksit, kurrsesi nuk duhet të gënjesh, por mund të thuash: “Nuk e di”,ose “Do të kërkoj rreth kësaj çështjeje dhe pastaj do të të tregoj”. Nëse ti e gënjen, ai do ta kuptojë këtë gjë kur të rritet dhe brenda vetëdijes së tij do të ngulitet bindja se ti je gënjeshtar dhe se gënjeshtra është një nga meto- dat dhe mënyrat e edukimit.
Në të njëjtën kohë, përgji- gja e saktë ndaj këtyre pyetjeve të sikletshme, me aq sa i përshtatet moshës së tij, do të bënte të mundur një lloj ekuilibri shpirtëror dhe kjo ia shton aftësitë e tij për të menduar, për t’i kuptuar të tjerët, për t’i respektuar ata dhe për t’i respektuar zakonet dhe traditat e ambientit që e rrethon atë.
Duhet ta kemi parasysh, se pyetjet e shumta nga ana e fëmijëve, siç thonë ekspertët, tregojnë zgjuarsi, kreativitet dhe aftësi të shkëlqyera.
Mos gënje kurrë
Mos gënje kurrë, madje edhe kur të jesh duke bërë shaka, sepse kjo e ngulit në mendjen e fëmijës domosdoshmërinë e gënjeshtrës dhe mundësinë e lejimit të saj. Për këtë arsye është e ndaluar që të gënjesh, qoftë edhe kur je duke bërë shaka.
Përgatiti: Prinderimi.com
Autor: Abdulhamid Bilali, ”Si ta bësh fëmijën tënd yll”
