Shumë familje debatojnë, por është mënyra se si reagon ndaj konfliktit (ose nuk reagon) dhe mënyra se si zgjidhet (ose nuk zgjidhet) ky konflikt ajo që ka më shumë rëndësi. Mosmarrëveshjet ndërmjet njëri-tjetrit nuk duhet ta dëmtojnë një marrëdhënie dhe si rrjedhojë as mjedisin në të cilin rritet fëmija juaj.
Njerëzit që gëzojnë një marrëdhënie të suksesshme në çift dhe një jetë të mirë familjare karakterizohen gjithashtu nga të pasurit mosmarrëveshje dhe debate. Ky është një fakt. Megjithatë, kur ata debatojnë e bëjnë duke e respektuar dhe vlerësuar njëri-tjetrin, si edhe duke pranuar diferencat dhe duke respektuar ndjenjat dhe mendimet e njëri-tjetrit.
Le të flasim për të gjithë elementet kyçe që përbëjnë debatin. Në çdo konflikt ekziston një kontekst i caktuar. Kjo është ajo për të cilën ju debatoni. Më pas, është mënyra se si ndiheni ju dhe personi tjetër kundrejt atij konflikti. Pastaj është procesi, i cili ka të bëjë me mënyrën se si ju e zgjidhni problemin.
Për të trajtuar mosmarrëveshjen, është e rëndësishme që të një hni ndjenjat tuaja rreth kontekstit në fjalë dhe t’i tregoni ato. Hapi tjetër është që të mësoni se si ndihet personi tjetër rreth atij kon- teksti dhe të merrni në konsideratë edhe ndjenjat e tij. Nëse ndje- njat nuk merren në konsideratë, të dyja palët do të fillojnë të acarohen gjithnjë e më shumë dhe do të ushtrojnë atë që unë e quaj “efekti tenis”, duke hedhur arsyetime mbi rrjetën e njëri-tjetrit dhe duke gjetur gjithnjë e më shumë argumente për të goditur personin përballë.
Në këtë pikë të debatit, qëllimi i konfliktit bëhet fitimi i pikëve kundrejt tjetrit dhe jo gjetja e një zgjidhjeje të mundshme. Të mësosh rreth problemeve dhe t’i trajtosh ato, ka të bëjë me mirëkuptimin dhe kompromisin, jo me të fituarin e “garës”.
Përgatiti: Prinderimi.com
Autor: Philippa Perry, “Libri që do të dëshironit të lexonin prindërit tuaj”
