SI KRIJOHET NJË KOMUNIKIM I SHËNDOSHË DHE I HAPUR ME FËMIJËT?
la kam thënë njëqind herë, por s’merr vesh!
Kur i themi që të mos e bëjë një veprim të caktuar, pikërisht atë bën!
Nuk merr vesh kurrsesi.
E udhëzojmë që të mësojë, por më kot.
Nëse këto shprehje ju duken familjare, dijeni se keni probleme me mënyrën e komunikimit.
Ka një arsye të veçantë se pse e zbërthejmë këtë pjesë duke dhënë shembuj të shumtë, duke u ndalur te secili sy- resh. Sidoqoftë, pavarësisht se çfarë ka kaluar, fëmija duhet të vijë pranë jush dhe të ndajë me ju si të mirën ashtu dhe të keqen. Sipas klientëve të mi, nëse një fëmijë është ngacmuar dhe nuk i ka thënë gjë familjes për këtë, kjo ndodh ngaqë nuk është krijuar një sistem i sigurt dhe i hapur i komuniki- mit mes tij dhe prindërve. Këto fjali le të qëndrojnë vazh- dimisht diku në periferinë e mendjes suaj. Komunikimi i shëndoshë e mbron fëmijën nga ngacmimi, nga shprehitë e këqija dhe nga njerëzit e rrezikshëm. Kjo është jeta, s’i dihet!
Ashtu siç komunikon me nënën dhe babain do komu- nikojë edhe me jetën. Nëse brenda trekëndëshit nënë-baba- fëmijë ka komunikim të shëndoshë e të drejtë, ku shkëm- behen ndenja dhe ide, natyrisht që do formohet një mjedis i lumtur dhe i sigurt familjar. Veçoritë e personalitetit dhe cilësitë psikologjike që duhet të ketë fëmija fitohen në saje të këtij komunikimi.
Ç’është komunikimi?
Komunikimi nënkupton një buzëqeshje, një shtrëngim duarsh, një pikë lot, një ngrysje vetullash, një lëvizje, një fja- lëz, një puthje, një pasthirrmë, një pëshpëritje, një përpëlitje sysh, një hakërrim etj. Domethënë, të gjitha sinjalet e zë- shëm dhe të pazëshëm janë elemente të komunikimit. Sipas një përkufizimi të ri, komunikimi nuk nënkupton vetëm fjalët dhe veprat, por edhe atë çfarë kupton pala tjetër.
Kur e interpretojmë një veprim aktivizohen gjykimet tona vlerore, ndonëse duhet të bëjmë dallim mes gjykimeve vlerore dhe sjelljeve tona. Le të vizatojmë një dritare të vep- rimeve tona, me qëllim veçimin e problemeve dhe ndërhyrjes sonë në momentin e duhur.
Përgatiti: Prinderimi.com
Autor: Ramazan Shimshek, ”Fëmijët e tabletit” (Metoda psikologjike të kohës për fëmijët e kohës)
